麻辣風雲 (京都廣場) (Closed)

成日見到有人打卡麻辣風雲嘅超浮誇炸饅頭船 今次終於輪到我食啦！大概7:30去到 唔洗排隊就可以入去基本上見到每枱都係叫酸菜魚同炸饅頭 我地都跟著叫啦 上菜速度算快 第一碟上一架船載住6個炸饅頭配一碟煉奶。炸饅頭熱辣辣 表面酥脆 入面鬆軟 非常好食！6個睇落好多 但其實一啖一啖好快食完酸菜魚份量好足 底部有好多寬粉寬粉好彈牙 嗦曬d湯好好食！我地order中酸中辣 個人認為呢個辣度啱啱好 小小麻 但係就偏酸 唔鍾意酸嗰朋友可以小酸就OK啦魚肉全部無骨 超級爽滑 份量足 2個人絕對夠食 所以無叫到飯。另外叫左麻辣鴨血試下 我就覺得鴨血比較遜色 湯底好辣 但係鴨血唔入味 整體唔係好夾 麻麻地啦不過試食價 都無咩要求整體來講 環境🧡🧡🧡服務態度💛💛💛食物質素💚💚💚💚打卡able 💙💙💙💙Encore指數❤️❤️❤️❤️