Video
Read full review
2022-05-27
87 views
【過百款！集合日韓台港美食！附私心推薦🌟 】#真香港美食圖冊推薦程度：●●●●◐抵食程度：●●●●●———🍻 120分鐘任飲任食放題 Level 2｜$338（首次光顧成為會員88折！）一見到係日式網燒已經心心眼，冇咁油膩。食埋種類不限於日式/韓式，連港台兩地嘅美食都集合。由前菜、刺身、小食、主食、水產、牛，到飲品、甜品，款式都係多到試唔晒，勁過食酒店自助餐🤯 超抵食🔥 另外大讚讚下個火力好夠，燒肉有油脂嘅時候火勢更強，令表面帶烤香味。店內裝潢仿阿拉丁情景，好似去咗迪○○樂園🙈 童話式嘅體驗，加上款多質素高嘅食物，同埋有禮、helpful嘅店員們，私心推薦🌟🥗 沙律正常發揮，一讚嘅係有埋醋汁揀，開胃唔膩，幫助消化；咖喱牛腩夠香濃，少少辣，肉同薯仔夠腍夠入味；唐揚炸雞都唔錯，肉嫩炸皮唔厚身，唔多脂肪，係略嫌欠缺溫度。🐟 刺身船一上菜已經震驚咗，好大隻船，擺盤靚，好打卡able。款式多：三文魚、吞拿魚、甜蝦（可惜當日售罄）、油甘魚、赤貝、魷魚、帶子、北寄貝同八爪魚。整體唔算好出眾，中規中矩，冇雪味，亦唔會雪到過凍失去口感，放題嚟講唔錯👍🏻🐮 安格斯美國牛嚟到戲肉Level 2嘅牛，同樣好打
#真香港美食圖冊
推薦程度：●●●●◐
抵食程度：●●●●●
———
🍻 120分鐘任飲任食放題 Level 2｜$338
（首次光顧成為會員88折！）
一見到係日式網燒已經心心眼，冇咁油膩。食埋種類不限於日式/韓式，連港台兩地嘅美食都集合。由前菜、刺身、小食、主食、水產、牛，到飲品、甜品，款式都係多到試唔晒，勁過食酒店自助餐🤯 超抵食🔥 另外大讚讚下個火力好夠，燒肉有油脂嘅時候火勢更強，令表面帶烤香味。店內裝潢仿阿拉丁情景，好似去咗迪○○樂園🙈 童話式嘅體驗，加上款多質素高嘅食物，同埋有禮、helpful嘅店員們，私心推薦🌟
🥗 沙律正常發揮，一讚嘅係有埋醋汁揀，開胃唔膩，幫助消化；咖喱牛腩夠香濃，少少辣，肉同薯仔夠腍夠入味；唐揚炸雞都唔錯，肉嫩炸皮唔厚身，唔多脂肪，係略嫌欠缺溫度。
🐟 刺身船一上菜已經震驚咗，好大隻船，擺盤靚，好打卡able。款式多：三文魚、吞拿魚、甜蝦（可惜當日售罄）、油甘魚、赤貝、魷魚、帶子、北寄貝同八爪魚。整體唔算好出眾，中規中矩，冇雪味，亦唔會雪到過凍失去口感，放題嚟講唔錯👍🏻
🐮 安格斯美國牛嚟到戲肉Level 2嘅牛，同樣好打卡able嘅排場：包括肉眼扒、牛頸脊、頂級雪花牛小排、頂級板翼西冷同埋秘製壺漬封門柳。整體不過不失唔算好大驚喜，個人最鐘意牛頸脊同牛小排，油脂分佈較多，味道較香濃突出！
🍱 魚切魚生迷你丼同刺身船嘅魚生質素差唔多，唔會變成次一級。覺得份量太多，一啲都唔迷你，如果小返啲就perfect池，唔洗浪費食物🥺
🌟 私心推薦 — 雞泡魚干
自己即燒即食，夠熱。咬落去夠鮮味，絕不欺場！
🌟 私心推薦 — 玉子燒同樣即燒即食，熱辣辣。玉子冇過老，仲係好soft，蛋香味亦十足～
🌟 私心推薦 — 蒜味雞腿肉
肉滑、夠嫩、夠juicy，仲食到雞味，一啲雪味都冇。平時食放題嘅肉好多時都解唔切雪，或者唔係主打就會hea醃，但呢款雞髀肉絕對係食過翻尋味！
🌟 私心推薦 — 炭燒雞串
肉質超嫩滑，食咗第一串就返唔到轉頭，食埋嗰串再叫😆 醬汁多而唔過咸，少少蓋咗雞嘅原味，但有燒香味，個人好鐘意！
🌟 私心推薦 — 日本紫薯配蜜糖
即燒即食，蜜糖唔太稠杰，令整體甜甜地得嚟又唔會過膩。加埋香甜嘅紫薯，冇得輸！
🌟 私心推薦 — 鰻魚
好大份，肉夠厚身，醬汁夠，即燒即食口感好soft，冇咩細嘅幼軟骨，啖啖肉，好正！
🌟 私心推薦 — 奶蓋華田火山脆脆除咗汽水、茶同啤酒，仲有多款港式同台式特飲！😍 有仙草奶茶、芋圓奶茶、鹹濕大話七、黑牛冰、雪糕紅豆冰等16款選擇！奶蓋味雖然不及正宗手搖店咁香醇，但勝咗唔膩、唔太甜，唔會浪費咗胃嘅quota飽飽濟濟！
❌ 唯一唔建議嘅係日式燒年糕，圖片明明都係方方正正、樣貌貼近傳統日式嘅年糕，但嚟到係韓國一條條個啲，仲要未解雪，燒完都唔係同樣效果。
Post
