Video
Read full review
2024-02-27
8 views
好耐冇食過台灣嘢又係時候食吓，同朋友一齊去食咗好多款嘢食，大滿足。紅燒三寶牛肉麵 $102牛三寶有牛丸、牛腱、牛坑腩，每款都好好味，我就最鍾意食牛腱，最鍾意佢中間嗰啲QQ煙靭啫喱。牛肉麵湯頭好濃郁，麵吸晒湯汁好入味。特濃豆乳雞烏龍麵 $89呢個比起牛肉麵會相對清淡，白雪雪嘅湯滲出豆乳嘅清香，雞卷幾嫩，唔會嚡，配上烏龍麵係清淡減肥人士嘅好選擇。原條蒲燒鰻魚飯 $149呢個其實唔係好台灣😆但係原條鰻魚真係好吸引，口肉冇骨，配上勁多鰻魚汁撈埋蛋液同埋海苔一齊食，啲飯真係冇得輸。黃金芋泥球 $42芋泥球炸得外面脆脆，裏面係綿密嘅芋泥，咬到最中間仲有奶黃流沙添。鹽酥雞 $48鹽酥雞正常發揮，外脆內嫩，調味恰到好處，濃味得嚟唔會鹹。府城蝦卷 $32有啲似蝦肉腐皮卷，腐皮金黃酥脆，裏面嘅餡料好香，沾上沙律醬食絕配。肉燥燙青菜 $34油麥菜好爽口，加上有一啲肉燥喺面，味道好好。貢丸湯 $18貢丸好爽口，湯就清淡得來帶一啲鹹香，幾順口。芋圓仙草 $42我哋叫咗一份，可以share四小碗，份量好足，芋圓煙煙韌韌，仙草爽滑，加上一啲綿綿紅豆同埋花奶，味道討好。
紅燒三寶牛肉麵 $102
牛三寶有牛丸、牛腱、牛坑腩，每款都好好味，我就最鍾意食牛腱，最鍾意佢中間嗰啲QQ煙靭啫喱。牛肉麵湯頭好濃郁，麵吸晒湯汁好入味。
特濃豆乳雞烏龍麵 $89
呢個比起牛肉麵會相對清淡，白雪雪嘅湯滲出豆乳嘅清香，雞卷幾嫩，唔會嚡，配上烏龍麵係清淡減肥人士嘅好選擇。
原條蒲燒鰻魚飯 $149
呢個其實唔係好台灣😆但係原條鰻魚真係好吸引，口肉冇骨，配上勁多鰻魚汁撈埋蛋液同埋海苔一齊食，啲飯真係冇得輸。
黃金芋泥球 $42
芋泥球炸得外面脆脆，裏面係綿密嘅芋泥，咬到最中間仲有奶黃流沙添。
鹽酥雞 $48
鹽酥雞正常發揮，外脆內嫩，調味恰到好處，濃味得嚟唔會鹹。
府城蝦卷 $32
有啲似蝦肉腐皮卷，腐皮金黃酥脆，裏面嘅餡料好香，沾上沙律醬食絕配。
肉燥燙青菜 $34
油麥菜好爽口，加上有一啲肉燥喺面，味道好好。
貢丸湯 $18
貢丸好爽口，湯就清淡得來帶一啲鹹香，幾順口。
芋圓仙草 $42
我哋叫咗一份，可以share四小碗，份量好足，芋圓煙煙韌韌，仙草爽滑，加上一啲綿綿紅豆同埋花奶，味道討好。
Post
