Video
Read full review
2024-05-04
22 views
呢間餐廳嘅質素真係驚為天人，自從一個月前食過之後，成日心思思想再食，上次食左海南雞、蒜蓉包、安格斯牛肉咖哩炒飯等等，樣樣都好高質，一試難忘，今次經過元朗諗都冇諗就沖入去二刷，打算再試下其他既菜係咪都咁出色😋今次叫咗燒豬頸肉，飛天炒通菜，蒜蓉包，和牛炒飯同甜品奶茶雪山個豬頸肉一入口即刻當堂"嘩"一聲，心諗點解可以咁好味🥹🥹每舊肉既厚度適中，有口感得黎唔會太厚，亦唔會薄到鎖唔住d肉汁，入口有濃濃既燒香味，食落有少少似叉燒，咬開成口都係肉汁，好味到如果一個人食晒成碟我都可以，必食！💯食完肉當然要菜，飛天炒通菜都係濃味之選，菜唔老既，易咬易食，配料落得足令條條菜都好入味👍黎食泰國菜邊可能會唔叫蒜蓉包，仲要佢個蒜蓉包係整得相當出眾，完全將出面粗製濫造一色一樣嘅蒜蓉包比下去，佢外觀已經相當特別，而且真正做到外脆內軟，蒜蓉味極重，性價比之最💯上次食覺得間餐廳煮飯都有一手，所以今次都叫個飯試下，和牛炒飯同樣做到米飯粒粒分明，睇個飯嘅色水同舊牛個樣就知又係誠意之作，店員介紹咗個新食法，就係落少少青檸汁再加魚露，個味就會完全唔同晒，係一個好新鮮，唔知點形容既味道，重點當然都係好好食，想沖擊下味蕾不妨試試😛
今次叫咗燒豬頸肉，飛天炒通菜，蒜蓉包，和牛炒飯同甜品奶茶雪山
個豬頸肉一入口即刻當堂"嘩"一聲，心諗點解可以咁好味🥹🥹每舊肉既厚度適中，有口感得黎唔會太厚，亦唔會薄到鎖唔住d肉汁，入口有濃濃既燒香味，食落有少少似叉燒，咬開成口都係肉汁，好味到如果一個人食晒成碟我都可以，必食！💯
食完肉當然要菜，飛天炒通菜都係濃味之選，菜唔老既，易咬易食，配料落得足令條條菜都好入味👍
黎食泰國菜邊可能會唔叫蒜蓉包，仲要佢個蒜蓉包係整得相當出眾，完全將出面粗製濫造一色一樣嘅蒜蓉包比下去，佢外觀已經相當特別，而且真正做到外脆內軟，蒜蓉味極重，性價比之最💯
上次食覺得間餐廳煮飯都有一手，所以今次都叫個飯試下，和牛炒飯同樣做到米飯粒粒分明，睇個飯嘅色水同舊牛個樣就知又係誠意之作，店員介紹咗個新食法，就係落少少青檸汁再加魚露，個味就會完全唔同晒，係一個好新鮮，唔知點形容既味道，重點當然都係好好食，想沖擊下味蕾不妨試試😛
奶茶雪山用奶茶黎雪成冰，再整成碎冰，d冰碎既程度，可以令到冰既口感似軟綿綿嘅棉花糖，完全食唔到硬既冰塊，連甜品都一樣咁用心去整，佩服佩服
Post
