Video
Read full review
2018-05-29
61 views
黎到銅鑼灣既道鮨食廚師發辦🍣大家可以參考下午餐menu~內在環境都幾有日本風格，可惜bar枱已經坐滿人，睇住廚師係你面前整係一大享受！首先黎既道係三道前菜～《松前漬》係用蘿蔔絲同昆布醃製而成既，加上甜甜鹹鹹的醬汁，甘甜又爽口《高野豆腐》硬豆腐，豆味香濃👍《日本蕃茄加蛋黃醬》蕃茄清甜蛋汁，加上蛋黃醬令整體更甜跟係就係前菜喇《水八爪魚》🐙本身已有小小咸，有啲海水味好新鮮既感覺，有咬口，質感好好！《帶子》超級新鮮，加上有淡淡檸檬香，好開胃《珍鯛》一啲都唔腥，魚味比較重，口感同帶子有啲似《牡丹蝦》牡丹蝦蝦肉入面包住蝦膏，所以蝦膏味極濃，而蝦頭佢就係炸左，都幾好食！壽司🍣全部都預先做好左調味，可以唔洗點豉油嫁《伊左目》口感較軟身，魚香亦較濃《金目鯛》比較有咬口，偏爽身《燒左口魚邊》呢個超好食！因為佢係燒過既關係，迫左超蛋魚油出黎，入口即溶《穴子》即係海鰻，肉質較軟腍，鮮味較重《車海老》上面加左蝦粉，質地彈牙主食《赤雞頸肉》豬頸肉道聽得多，雞頸肉都係第一次食，佢有比柚子胡椒你點，不過建議第一舊就咁食先~《生蠔配酸汁啫喱》今次係我第二次食生蠔配酸汁啫喱喇！食過酸汁啫喱之後覺得自己以前係白白浪費左啲生
大家可以參考下午餐menu~
內在環境都幾有日本風格，可惜bar枱已經坐滿人，睇住廚師係你面前整係一大享受！
首先黎既道係三道前菜～
《松前漬》係用蘿蔔絲同昆布醃製而成既，加上甜甜鹹鹹的醬汁，甘甜又爽口
《高野豆腐》硬豆腐，豆味香濃👍
《日本蕃茄加蛋黃醬》蕃茄清甜蛋汁，加上蛋黃醬令整體更甜
跟係就係前菜喇
《水八爪魚》🐙本身已有小小咸，有啲海水味好新鮮既感覺，有咬口，質感好好！
《帶子》超級新鮮，加上有淡淡檸檬香，好開胃
《珍鯛》一啲都唔腥，魚味比較重，口感同帶子有啲似
《牡丹蝦》牡丹蝦蝦肉入面包住蝦膏，所以蝦膏味極濃，而蝦頭佢就係炸左，都幾好食！
壽司🍣全部都預先做好左調味，可以唔洗點豉油嫁
《伊左目》口感較軟身，魚香亦較濃
《金目鯛》比較有咬口，偏爽身
《燒左口魚邊》呢個超好食！因為佢係燒過既關係，迫左超蛋魚油出黎，入口即溶
《穴子》即係海鰻，肉質較軟腍，鮮味較重
《車海老》上面加左蝦粉，質地彈牙
主食《赤雞頸肉》
豬頸肉道聽得多，雞頸肉都係第一次食，佢有比柚子胡椒你點，不過建議第一舊就咁食先~
《生蠔配酸汁啫喱》
今次係我第二次食生蠔配酸汁啫喱喇！食過酸汁啫喱之後覺得自己以前係白白浪費左啲生蠔！
啲酸汁啫喱完美帶出蠔既鮮味👅👅
壽司🍣
《平目昆布》淡淡昆布味，平目比較爽彈有咬口
《松葉蟹棒》蟹棒清甜有鮮味🦀
《海膽昆布》從來未試過海膽加昆布，昆布微酸為海膽帶來一種新味道
《赤貝群邊青瓜卷》成個卷都十分爽脆，唔單只青瓜係脆，連赤貝群邊都係有啲肉食緊軟骨既口感
《蔥吞拿魚腩手卷》
蔥味極濃，吞拿魚蓉夠香
《木魚清湯》
真係好清，只有淡淡既木魚咸香
最後既甜品就係《木瓜蜜瓜》
佢係外表似木瓜食落似蜜瓜嘅一種水果，佢既質感比蜜瓜再爽小小，但就比蜜瓜清小小多汁啲🍈
食左咁多道菜真係好滿足！
每人盛惠1350再加一！
Post
