達人烤肉 (Closed)

完滿生日飯~阿妹生日，今年就帶咗佢去達人烤肉滿足佢鍾意食韓國嘢嘅欲望，我哋一家三口就叫咗個頂級套餐同石鍋雞肉飯，嗰 set入面有霜降牛肉、竹筒五花腩肉、祕製特級牛仔骨、祕製牛舌、炸大蝦、香腸同香菇，初時見到以為唔夠食，但食落份量又啱啱好，所有配菜又任添，感覺真係幾好~當中我覺得最好味嘅係祕製特級牛仔骨，醃得好好味，唔會太咸，又肥瘦適中，燒完後極香肉味，無論單食，定包菜食都係無得彈！第 2最愛就係竹筒五花腩肉，望落好似幾肥，但燒完後 d油花出晒嚟，加上我仲燒到四面都有少少起焦，食落真係爆脆口，而入面又保留咗滿滿嘅肉汁，每一啖都極香，完全唔覺肥；而石鍋飯嗰伴汁亦同樣精彩，每啖都會令人想一食再食；成餐飯可謂無咩缺點，一定會再翻兜食過！！