天湖印度餐廳

Open Now

Now Closed

東涌嘅 Mansarover Indian Restaurant 係直到目前為止幫襯過最遠嘅黃店，如果唔係行山路經，真係未必咁神心專登搵到去。呢間店位處偏僻，由東涌黨鐵站行過去要成半個鐘，非常隱世，不過佢嘅姊妹店就頗為出名：荃灣嘅 BaBa's Station，係呀，即係 YellopenRice 介紹過嗰間印度餐廳。呢度有個全日套餐好似幾吸引，於是我哋叫咗 Pepperoni 六吋 Pizza 同埋傳統牛雜菜咖哩配烤餅，另外又叫咗我最鍾意嘅 Mango Lassi。 首先要讚下杯 Mango Lassi，奶味非常濃郁 ，好足料👍，芒果偏酸，正正係最怕甜嘅我喜愛嘅味道。Pepperoni Pizza 芝士豐富，餅底烤得又香又脆，唔知係咪喺個 tandoor 度烤出嚟嘅呢🤔？至於個咖哩牛就更不在話下，咖哩汁入面有多種香料，味道豐富，牛肉大大嚿，煮得又腍又入味，配埋塊 naan 食，滋味一流🤤。小店雖然可以提供往返東涌站嘅接送服務，但係眼見成間舖家庭式經營，得幾對手做嘢，所以大家如果真係想嚟幫襯，希望可以自己嚟，自己走，當做飯前飯後運動啦😆。