Video
Read full review
2019-03-07
129 views
廿年都唔入一次屯門，呢日難得入去搵朋友，就試咗喺「虹橋」附近新開嘅Pillowtalk Restaurant & Bar！各方面都好好，唯獨係位置實在太偏僻（至少對我哋嚟講係😩），由兆康站行大約15分鐘。餐廳大細中等，一眼望曬。門口有室外位置；餐廳入面近門口嗰兩張枱高咗上去，有個阻隔，好似有多少少privacy。好少見地面bar n restaurant有埋遊戲比客人玩，又可以坐耐啲lu，正🤣雖然我哋六點就到咗，但入面已經有兩枱客，越夜越旺，做咗幾輪，如果係新開嘅話生意都算唔錯～晚餐有好多選擇，價錢$108-$198不等，包前菜/湯、主菜、甜品、飲品，相當抵！出面食一個菜嘅價錢，呢到食到一個set！Set drink 可以+$48 轉 cocktail/beer+$38 轉 red/white wine+$28 轉 mocktail我哋叫咗四個餐，加配兩款小食，仲加咗$28飲品轉mocktail 😂是日餐湯 蘑菇忌廉湯（跟餐）味道唔錯，不過質地較稀，如果creamy啲就perfect！田園沙律（跟餐）沙律菜好新鮮、爽口，配上芝麻醬。蒜蓉法包（跟餐）呢個好好食！焗得香脆，搽喺面頭嘅蒜蓉好
廿年都唔入一次屯門，呢日難得入去搵朋友，就試咗喺「虹橋」附近新開嘅Pillowtalk Restaurant & Bar！各方面都好好，唯獨係位置實在太偏僻（至少對我哋嚟講係😩），由兆康站行大約15分鐘。
餐廳大細中等，一眼望曬。門口有室外位置；餐廳入面近門口嗰兩張枱高咗上去，有個阻隔，好似有多少少privacy。
好少見地面bar n restaurant有埋遊戲比客人玩，又可以坐耐啲lu，正🤣雖然我哋六點就到咗，但入面已經有兩枱客，越夜越旺，做咗幾輪，如果係新開嘅話生意都算唔錯～
晚餐有好多選擇，價錢$108-$198不等，包前菜/湯、主菜、甜品、飲品，相當抵！出面食一個菜嘅價錢，呢到食到一個set！Set drink 可以
+$48 轉 cocktail/beer
+$38 轉 red/white wine
+$28 轉 mocktail
我哋叫咗四個餐，加配兩款小食，仲加咗$28飲品轉mocktail 😂
是日餐湯 蘑菇忌廉湯（跟餐）味道唔錯，不過質地較稀，如果creamy啲就perfect！
田園沙律（跟餐）沙律菜好新鮮、爽口，配上芝麻醬。
牛油蒜蓉法包
9 views
0 likes
0 comments
呢個好好食！焗得香脆，搽喺面頭嘅蒜蓉好香好好味
黑松露黃金帶子白酒汁意大利飯
$128
6 views
0 likes
0 comments
呢個係我哋最鍾意嘅。黑松露味好香，帶子煎得啱啱好、入味，外軟內韌嘅飯粒係靈魂所在！
黑松露芝士火煱 (薯角, 長通粉, 法包, 雞肉)（$148）芝士火鍋味道唔錯，仲有陣陣黑松露香味。
可惜個火太弱，就咁用咗細蠟燭嚟保暖。
芝士火鍋嘅底部可能有少少熱，但上面就未必，所以只係暖，唔熱，如果熱啲會更加正！
檸檬牛油汁三文魚扒配薯角（$138）咁樣影到好似all day breakfast，其實主角係後面嘅三文魚扒～
三文魚扒煎得啱啱好，皮脆肉嫩。
配嘅檸檬牛油汁亦都好夾！
蜜糖芥末豬手配薯角 $138餐廳將皮同肉分開咗，啲皮細細舊，好易食，脆卜卜好好食。
而肉亦都整得唔錯，一啲都唔韌。
配上蜜糖芥末醬食正呀：）
抵讚嘅係每一道菜都配咗少少沙律菜，加添返少少fresh嘅氣息😂
可惜menu上面係寫配煙肉薯蓉盅嘅全部都變曬薯角，雖然薯角好厚肉好好食，但都有少少期待佢哋嘅薯蓉盅！唯有有機會嘅話再試下啦😣
另外加配咗兩款小食：
秘製香辣蜜糖雞翼
$34
9 views
0 likes
0 comments
淡淡嘅辣味，好食好食。
避風塘薯條（$34）避風塘就冇乜，但薯條上面落咗好多炸蒜，幾特別。
不過如果我哋知道每道菜都有薯角嘅話就應該唔會嗌呢個嚕，好熱氣～
是日甜品
10 views
0 likes
0 comments
唔錯，唔會好heavy～
Summer Break Up；Alone Together
$28
16 views
0 likes
0 comments
呢杯mocktail用咗芒果、椰奶、牛奶去整，望落已經好特別，飲落椰奶味好重，沙冰嘅質地，幾好味！
Alone Together（跟餐+$28）
呢杯就用到西柚、玫瑰、青檸、梳打水。
好好味，舊西柚雖然酸咗少少，但都好味！
好開心第一次同朋友喺屯門食嘢係咁好嘅experience。
唔知仲會唔會去到咁遠，但如果再入嚟嘅話或者都會食多次呢間餐廳！：）
飲品menu：
Post
