Coti (沙咀道)

Open Now

Now Closed

時不時係見到有人係Coti打卡，有成3間分店，去左美食天堂之一嘅荃灣分店，原來坐落係商業中心之中。環境係商業中心地下，所以店舖唔係好大，估計主要做附近返工人士生意同外賣為主。餐牌本身以為細細間可能得咖啡同輕食，估唔到Lunch menu都有唔少選擇。 燒牛肋骨飯 $84好大份！牛肋骨都有三大條，條條嘅肉都好飽滿，調咗有d嘅味，飯亦淋上少許醬汁，雖然係紅肉，但整體都比較健康，味道唔係濃烈路線。 燒蘑菇忌廉汁意粉 $74 全素意粉，大啡菇用火槍燒過再上枱，菇無草腥味，焾身不乏彈口，每條意粉都掛上忌廉汁。 Brûlée Cappuccino $42店員果然無推介錯，仲可選少甜，面頭就如cream brûlée 咁燒至微焦，望落好似有層棉花糖咁，一呷先係焦糖甜味，繼而係咖啡香濃，夾得來又不覺膩。 Flat White $38 做咗漸層效果，Flat white用Ristretto沖，奶泡較少，比起用expresso沖嘅Latte，咖啡味會濃d。呢杯入口幾幼滑，奶味後飲到咖啡香。總括而言，都稱得上係遠離塵囂嘅小店，因為少人特登走入商廈食Cafe，可以唔洗驚有人打擾。