Video
Read full review
2017-10-03
404 views
為何深宵總是餓?! 今晚一個人OT到深夜，連晚飯都未食，心情差透。身心疲累，只想一個人靜靜地食啲野。好多食肆都收左舖，搵到呢度，仲未打烊，可以深宵食串燒! 外面望入去幾型格，大窗戶打開，室內室外空氣流通，當然有空調啦! 坐喺窗邊可以望到街景，微風輕吹。先叫杯COCKTAIL拋開煩惱︰【Absolute Wipeout】Absolut同Malibu酒雖然加入左紅莓汁同菠蘿汁，但酒精濃度都幾高，微醺OT後疲憊嘅身心。除左酒精飲品，呢度主打係串燒。黑板上面亦有每日精選﹕叫野食後店員攞咗三款醬汁嚟，麵豉醬、梅醬同柚子醬，用嚟食串燒。叫左每日精選嘅【豚角煮(鹿兒島)】豚肉脂肪多，咬落去肉香中充滿油香，我就連埋面頭啲洋蔥一齊食，中和油膩感亦加倍香口。【牛舌】有三件，好軟腍，又有少少嚼勁。【粟米】燒粟米我好鍾意食，用左牛油燒，好香。面頭燒得微焦，外面少少脆，入面仍保持有粟米汁。【燒芝士年糕】逐粒叫，一份只有一粒，我就叫左兩粒。面頭有啲粉粒，入面特別軟滑。【燒海膽飯團】用左珍珠米，外層燒到脆卜卜，連面頭粒海膽都燒埋。伴有兩粒燒蒜頭同紫菜，用紫菜包住飯團食，雙重脆脆口感。【玉子蛋】玉子好香滑，蛋香味濃郁
外面望入去幾型格，大窗戶打開，室內室外空氣流通，當然有空調啦!
坐喺窗邊可以望到街景，微風輕吹。
先叫杯COCKTAIL拋開煩惱︰
【Absolute Wipeout】Absolut同Malibu酒雖然加入左紅莓汁同菠蘿汁，但酒精濃度都幾高，微醺OT後疲憊嘅身心。
除左酒精飲品，呢度主打係串燒。
黑板上面亦有每日精選﹕
叫野食後店員攞咗三款醬汁嚟，麵豉醬、梅醬同柚子醬，用嚟食串燒。
叫左每日精選嘅【豚角煮(鹿兒島)】豚肉脂肪多，咬落去肉香中充滿油香，我就連埋面頭啲洋蔥一齊食，中和油膩感亦加倍香口。
【牛舌】有三件，好軟腍，又有少少嚼勁。
【粟米】燒粟米我好鍾意食，用左牛油燒，好香。面頭燒得微焦，外面少少脆，入面仍保持有粟米汁。
【燒芝士年糕】逐粒叫，一份只有一粒，我就叫左兩粒。面頭有啲粉粒，入面特別軟滑。
【燒海膽飯團】用左珍珠米，外層燒到脆卜卜，連面頭粒海膽都燒埋。伴有兩粒燒蒜頭同紫菜，用紫菜包住飯團食，雙重脆脆口感。
【玉子蛋】玉子好香滑，蛋香味濃郁，不過日本玉子燒我鐘意食甜啲，呢個就稍為唔夠甜。
附近比較靜，可以一個人嚟享受寧靜，遠離繁囂，放鬆一吓。價錢唔算平，但食物味道唔錯。
Post
