Pan da Cafe

Open Now

Now Closed

呢幾日終於好天，當然一定要去郊區玩吓啦，我同朋友今日就去咗西貢玩，咁啱見到呢間Cafe都有好多人嚟打卡，所以我哋就一於嚟試吓！煙豬手肉冷麵一丁煙燻豬手肉味香濃，又唔會十分之鹹，而且睇圖片都知道豬手好大塊，食肉獸至愛！另外出前一丁同豬手肉呢個邪惡嘅組合真係好正！德國腸拼鬆餅下午茶德國腸好Juicy!同鬆餅都好夾！鬆餅外皮好脆，將德國腸切一小片，然後夾埋個鬆餅一啖咬落去，成個層次好豐富！蜜燒煙豬手肉哈哈，其實我真係好鍾意食豬手！所以我哋嗌咗兩個豬手！呢個豬手肉燒到啱啱好，外層嘅皮都係有少少脆脆地，外邊嘅蜜糖醬令到豬手嘅味道鹹中大甜，不至於太單調！呢間店嘅豬手的確做得唔錯！檸檬批甜品我哋揀咗檸檬批同埋焦糖芒果新地，檸檬批檸檬味好重，而且又唔會太甜！識落好Refreshing ！焦糖芒果新地亦都係超級解暑！夏天嚟食一杯真係覺得好有滿足感！另外都要一讚佢哋嘅裝修同擺設，真係好似返返去八九十年代嗰種感覺，因為店主真係收藏咗好多我哋童年回憶嘅物品！值得一提嘅係店主仲特登收藏咗古天樂今期流行黑膠唱片，與其話呢一間係一間Cafe，倒不如話佢一間古董店！