長龍食府 (Closed)

我發現呢個地方好適合一個人嚟食午餐，因為好多餐廳午飯時間都要搭枱，但係呢一個餐廳有一排，好適合一個人坐嘅位置。而且都好多一個人嚟食，所以就唔會覺得唔自在，阻住人傾計嘅情況啦。午餐係北菇滑雞飯，滑雞好滑，菇都好香，再叫咗個菜湯，菜湯嘅話要早啲叫，因為好多人嚟到嘅時候都冇晒湯啦。個湯都唔會太鹹太多味精，因為唔會飲完覺得好口乾。 整個午餐個份量都好足夠，飯唔會太多亦唔會太少。呢度午餐蒸飯嘅選擇都幾多，價錢都幾適中。