星滙酒家 (Closed)

屯門置樂區食肆林立，但酒樓就主要得兩間，一間係開左好多年嘅天悅，另一間就係多次易手，新開既星滙，本人居住係屯門多年，甚少去要上樓個間，畢竟食物質素向來麻麻，最近見佢新酒樓開張，而且鄰居之間都對佢評價唔錯，就襯新年放假期間，一家人去食個晚飯。我地叫左燒鵝例牌、大蝦炒蛋同蒸左條斑，燒鵝雖然只係例牌，但份量一Ｄ都唔少，而且皮脆肉嫩，仲有用蜜糖煮過嘅黃豆墊底，吸埋鴨的油香，非常好食。另外不得不提大蝦炒蛋，蝦唔係平時Ｄ蝦仁仔，係成隻手掌咁長嘅大蝦，確實誇張，推薦一試。另外蒸左條斑，生鮮有魚味，亦唔鞋，好快俾我地掃晒，個個都捧住個肚飽飽咁走！