名館 (Closed)

【適合一家大細聚餐】以前同中學同學gathering 黎過呢間，印象唔錯，今晚帶家人黎食下晚飯。位於希慎廣場，地理位置十分方便，約聚會岩曬。✔太極馬拉糕 58元賣相好精緻，將馬拉糕砌成太極圖形，顯出廚師的心思。✔雪茄鮮蝦春卷 58元另一驚喜之作，春卷扮成雪茄，似模似樣，上桌時還散發著乾冰營造的煙霧，好認真。✔酸菜滑魚片 188元喜歡食酸菜，夠開胃，底下的寬粉好入味。不過魚似雪魚，如果新鮮魚就好了。✔金銀蒜銀魚蒸勝瓜 58元勝瓜上的金銀蒜同銀魚好香口，有畫龍點睛之妙。✔黑松露帶子炒滑蛋 88元炒蛋極滑溜，而且散發濃濃黑松露香氣。✔陳醋珊瑚紅海蜇頭 88元呢個好好中意，調味酸酸甜甜，海蜇頭又夠爽口，大大塊有一定厚度，好有咬口。✔海南文昌雞半隻 98元如果可以滑一點就好了，女女話有少少硬。✔白飯18元用竹筒裝住好別緻，白飯幾特別，係混入一點點紅色的藜麥，好健康。✔茶位 8元呢度係飲蕎麥茶，幾好飲。♥️食物滿意，環境亦舒適，最重要係服務也不錯，店員好友善呢。