TATA KSR 韓式。燒烤 (Closed)

和朋友在一個斜坡上見到這間韓式小店，好奇之下就興沖沖的走了進去。一共喊了泡菜炒飯、芝心豬扒飯、炸醬面、泡菜小食、炸雞軟骨、芝士蛋，王老吉＋可樂。首先，我幾中意這個泡菜炒飯，份量足夠的大份，而米飯不會很乾身，泡菜本身味道較辣，這個炒飯似乎仲加左點糖和醬油來調味，食落簡單食唔停口啊！之後，芝心豬扒飯都幾特別，孤陋寡聞的我第一次見到豬扒里面包芝士，咬起來外面那層是稍硬豬扒，里面就是軟熱好味的芝士了！飯的份量同樣大份，唯一美中不足的就係豬扒太唔夠喉了！！！至於炸醬面的味道係正常的，伴隨青瓜絲都幾爽口。小食方面，泡菜就不需要多說了，和泡菜飯一樣的味道；而炸雞軟骨幾惹味，鹽咸度足夠，怕上火的朋友可以飲樽王老吉去去火，芝士蛋都唔錯，厚厚的雞蛋再加芝士，味道立即變得異常香滑！！！總括而言，這間店的食物適合年輕人來嘗試，味道和份量都不差，唯一的缺點可能就係人手比較少，老闆又要兼職做廚師～所以可能要多等一會兒。不過，就餐廳的氣氛環境都幾適合２—３個朋友坐在一起傾下計的。