Between (大館) (Closed)

每次一入大館就有一種唔係香港嘅感覺 今次新開嘅 Between Coffee 就帶左比我一個可以遠離塵囂 暫時忘記工作煩惱 同朋友傾計嘅地方 當然都少不了可以用大館作為背景打下卡 以我個人感覺而言 食物/飲品性價比一般 但係以環境黎講算係值得 食物質素方面算係唔錯，今次點左「日本雞蛋三文治」、「雞肉三文治」、「明太子意粉」同埋薯條一份。三文治擺盤得宜而且味道啱啱好唔會太咸太甜，不過用手食就小心會跌曬啲嘢出黎，始終啲料都放得比較鬆。 嘢飲就點左「芝麻椰子奶」我個人比較喜歡唔太甜嘅嘢飲 呢杯甜度適中 椰子味夠出 唔會比芝麻蓋過曬所有味道