壹級日本料理 (Closed)

舊朋友聚餐，想食日本野，又想唔好咁貴，又想靜靜地，又想好食，又想交通方便，這樣的要求…. 壓力太大了，等朋友推薦吧！有人推薦這間：壹級日本料理，真係咁壹級？首先位置其實都算方便，火車站步行約10分鐘，舖外便是巴士總站，剛巧有啱我嘅巴士，正！聚舊志在傾偈，唔諗飽肚，選了小食 ＋ 剌身，食好D。雞泡魚干，正！小食推介，必食！另叫了幾款串燒，OK，唔錯。黑松露牛油雜菌好好味，係菇我就鐘意啦！叫了幾款剌身，赤蝦 － 大大隻，甜美；海膽－ 有小小腥；最正係帶子，勁大燈又鮮甜肥美，超讚！三文魚－ 雖然我唔好三文魚，但見到佢個肥厚樣都忍唔住夾來吃了，不錯。暢談了一晚，服務都好好，唔會成日有人黎騷擾，有需要時又會殷勤招待，下次約朋友都可以再黎，試下其他熱食。