圓山台灣料理 (Closed)

黃金週過後市面大致平靜，終於可以兩口子舒舒服服係尖沙咀行下街啦~ 行到咁上下，係諾士佛臺旁邊有間門面比較低調台灣料理，咁耐冇去台灣咁就試一試啦~    呢間鋪頭係一樓既，由個接待小姐邀請上去，個地方都幾乾淨同幾光猛，侍應亦有即時打招呼及開茶，跟手就送上一碟青瓜小食，呢個小食都幾好食喎~ 清清地又爽口~睇下個餐牌，發覺呢度好多款食物都係比較貼近台灣特色，例如台灣腸、蚵仔煎、胡椒餅、鴨舌等，另外仲有招牌鹽水鴨、鹽水雞、花雕醉乳鴿等等，呢的都係香港比較少集中晒的美食既舖頭，係經理推介下，就叫左一個例牌鹽水鴨、一煲三杯雞、一碟蚵仔煎、另外各自要左一個擔仔麵同埋肉燥飯，等左大約幾分鐘就上枱啦~ 上枱啦~ 首先黎左個飯同個麵，因為我鍾意食飯所以肉燥飯就我嫁啦~ 肉粒都幾大粒又入味，份量都算適中，送飯一流。另一半呢就食個擔仔麵，試啖擔仔麵，麵條都爽口煙韌，個湯底都好香再加少少肉碎，非常之入味，正啊~ 之後主菜鹽水鴨原來係個凍食，入口佢的肉呢好有口感，鹽水鴨一的騷味都無而且亦唔鹹，鴨肉好嫩滑，配埋個鹹酸菜食好開胃，兩個人食個例牌已經剛剛好， 再上左個個三杯雞，嘩~ 三杯雞呢味真係讚不絕口，因為未上枱已