友義氣‧酸菜魚

Open Now

Now Closed

夜晚約左朋友係銅鑼灣食飯，兩個人叫左個標準size既酸菜魚同埋千島醬脆蝦球再加兩杯野飲。試左佢個招牌酸菜魚🐟朋友唔係好食得辣就叫左小辣。平時食開譚仔三小既我就完全覺得唔辣，食得辣嘅人可以叫中辣或者大辣。湯底唔會太油同太鹹，唯一美中不足嘅就係唔係好夠酸。本身除咗魚之外配料仲有萵筍金菇薯粉，值得一讚就係薯粉夠煙韌同埋魚肉夠厚同滑身。千島醬脆蝦球未食已經好香千島醬味，咬落去仲有少少脆口。唔會過厚既粉漿加上彈牙既蝦好快就比我地食曬。野飲方面，杯大檸樂黎到就知真係大檸樂，一個人係唔會飲得晒，建議可以兩個人share。鮮青檸乳酸唔會太甜同埋青檸味都好出，而且同乳酸好夾，飲落好清新無負擔。