Video
Read full review
2017-10-20
110 views
男人話佢之前都同事食過一間西餐廳唔錯，叫我去接佢收工就帶我去食，雖然又要等價交換，但係有美食點都係值得嘅餐廳位於巧明街，距離地鐵站只係需要幾分鐘路程， 10分方便餐廳裝修風格沿路一貫西餐廳嘅傳統，燈光昏暗，每張餐枱上面有點着左嘅蠟燭，有點浪漫嘅感覺，10分適合情侶燭光晚餐。餐牌選擇唔算好多，但係只要你叫任何飯，意粉，主菜，都可以加$48轉做餐，而餐會跟餐湯，甜品，茶或咖啡，唔使限住晒一定要叫set dinner。帶子海膽湯（$42）飲落有啲似忌廉湯，但飲真d你會發現湯內面有淡淡的海膽味，因為海膽已經融入左個湯！而且湯入面仲有有帶子粒， 10分鮮甜味美！低溫慢煮三文魚（$108）一上枱，擺盤已經10分吸引人，餐廳仲用心到擺上乾冰令三文魚上枱時呈現噴煙嘅狀況。三文魚用低溫慢煮嘅技術用40度慢煮12小時，令到三文魚入面10分juicy,呈現半熟狀態,嫩滑無比，一切三文魚仲會有動L效果，令人食指大動。酥皮焗釀鵝肝醬紐西蘭羊扒（$188）酥皮包羊來焗我都係第一次見，一切開酥皮冇俾羊扒整到淋晒，仍舊酥脆無比。入面嘅鵝肝醬配上羊扒超級夾，而羊扒既生熟度控制得啱啱好，內面還帶有淡淡嘅粉紅色，而且羊扒一
餐廳位於巧明街，距離地鐵站只係需要幾分鐘路程， 10分方便
餐廳裝修風格沿路一貫西餐廳嘅傳統，燈光昏暗，每張餐枱上面有點着左嘅蠟燭，有點浪漫嘅感覺，10分適合情侶燭光晚餐。
餐牌選擇唔算好多，但係只要你叫任何飯，意粉，主菜，都可以加$48轉做餐，而餐會跟餐湯，甜品，茶或咖啡，唔使限住晒一定要叫set dinner。
帶子海膽湯（$42）
飲落有啲似忌廉湯，但飲真d你會發現湯內面有淡淡的海膽味，因為海膽已經融入左個湯！而且湯入面仲有有帶子粒， 10分鮮甜味美！
低溫慢煮三文魚（$108）
一上枱，擺盤已經10分吸引人，餐廳仲用心到擺上乾冰令三文魚上枱時呈現噴煙嘅狀況。
三文魚用低溫慢煮嘅技術用40度慢煮12小時，令到三文魚入面10分juicy,呈現半熟狀態,嫩滑無比，一切三文魚仲會有動L效果，令人食指大動。
酥皮焗釀鵝肝醬紐西蘭羊扒（$188）
酥皮包羊來焗我都係第一次見，一切開酥皮冇俾羊扒整到淋晒，仍舊酥脆無比。入面嘅鵝肝醬配上羊扒超級夾，而羊扒既生熟度控制得啱啱好，內面還帶有淡淡嘅粉紅色，而且羊扒一啲都唔羶，而個鵝肝醬亦成功帶出咗羊扒嘅鮮味
檸檬慕斯蛋糕
食完一啲比較油膩嘅嘢，最後甜品係檸檬慕絲蛋糕，睇得出餐廳嘅用心。檸檬蛋糕清新，微酸。而慕斯出乎意料既滑，呢個甜品令人有驚艶既感覺。
最後飲返杯餐茶，感覺完美
Post
