Video
Read full review
2011-12-09
86 views
第一次結婚週年留港消費，因時近聖誕節，大部份的dinner buffet都起碼三四百元，仲要早四日book都要waiting list！上openrice搜尋一下coupon，竟然有間$198/位的dinner buffet，即刻打去book位仲有位，食評又不是那麼差，又近返工地方，放工行過去便可，真是天時地利人和都fit晒！我們放工後行過去，未到六點半已到達，buffet六點半才開始，所以先坐一陣。搭正六點半，waiter逐檯提醒buffet 開始，其他人已經衝去拿凍蟹，我們排到時已經無晒！不過好快有refill，以為有咩咁好食，其實一點鮮甜味都無！我一開始就去排魚生(雖然只得三款選擇)，我差不多第一個去到，那時只有一個男人在拿鼓油，師傅在準備中，開始派魚生時竟然叫我小姐排隊那邊！我反駁他我是第一個來的，他說是那男人先的，那男人都醒目，同我掉一掉位便可以。嘩，佢唔係唔知我企左o係佢面前幾耐，佢咁講有無過份d呀！服務分要打折！其他所謂推介的食物如清蒸花刁藍蟹、牛油煎越式大頭蝦及印式天多利鴨胸一點都不好吃，吃了一件便收工！反而豬仔骨最好味，澳洲和牛也OK，開頭唔記得拿sauce，所以覺得
我們放工後行過去，未到六點半已到達，buffet六點半才開始，所以先坐一陣。
搭正六點半，waiter逐檯提醒buffet 開始，其他人已經衝去拿凍蟹，我們排到時已經無晒！不過好快有refill，以為有咩咁好食，其實一點鮮甜味都無！我一開始就去排魚生(雖然只得三款選擇)，我差不多第一個去到，那時只有一個男人在拿鼓油，師傅在準備中，開始派魚生時竟然叫我小姐排隊那邊！我反駁他我是第一個來的，他說是那男人先的，那男人都醒目，同我掉一掉位便可以。嘩，佢唔係唔知我企左o係佢面前幾耐，佢咁講有無過份d呀！服務分要打折！
其他所謂推介的食物如清蒸花刁藍蟹、牛油煎越式大頭蝦及印式天多利鴨胸一點都不好吃，吃了一件便收工！反而豬仔骨最好味，澳洲和牛也OK，開頭唔記得拿sauce，所以覺得唔夠味，後來點了牛扒汁便覺得好好味了！另外咖喱羊都好「林」好好味，我竟然用咖喱撈飯食！
食物選擇真的不多，但本人本身食buffet都是主攻甜品的，太多野食反而使胃沒有位裝甜品。甜品選擇算多，我差不多每件都試過，件件都好味，又唔會太甜，又唔會太膩，再加上有Hagendaz雪糕助陣，甜品我非常滿意！
最後，我是online booking的，我見online booking有禮物送才不做phone booking，我一去到已經問佢係咪有gift，佢話陣間拿來給我，點知要我埋單時再追問才有，我相信我唔追問他們是不會主動俾的，亦懷疑他們有無check我真是online booking？小禮物是曲奇禮包，我第日食，很好味呢！
Post
