Video
Read full review
2022-10-08
1065 views
去完M+睇展覽睇到閉館，見時間差不多晚飯，順便係圓方揀下食咩，由火區溜冰場果邊入黎，就見到呢間中菜。-由於唔知食咩好，隨手揀左二人套餐。-入座前菜係琥珀合桃，又甜又脆口，不過好快膩。食到膩果陣，可以配下面頭嘅奇異果乾，清清口入面過重嘅甜味。-先上嘅係黑毛豬叉燒，欣賞佢蜜汁唔慳家。-之後有蟹粉小籠包，皮薄爆汁，但蟹粉味唔算突出。-跟住先出現返套餐嘅前菜，有花雕醉雞、酒香鴨肝同蜂蜜紫薯鮮淮山，乾冰冒住煙出現都幾靚。雞有淡酒香唔嗆鼻，肉都嫩口；鴨肝就重酒味但可以癖內臟腥味；而紫薯鮮淮山甜甜地幾開心，脆脆就有少許唔太夾。-再黎一個湯品，火瞳雲吞雞湯，湯幾清甜，每樣料嘅味道都好好，好夾，大推-然後主菜有乾燒明蝦球，呢個要請店員起菜。佢蝦球大大碌啖啖肉，好爽口，上面沾滿醬汁同切粒洋蔥，唔食洋蔥嘅我一早撥走晒。有話微辣但連我都食唔出，甜甜地唔會膩，配埋鋪底嘅脆脆，今次就夾啦。-菜有金銀蛋小波菜苗，同樣要叫起。相比同為主菜嘅蝦球同叉燒都偏乾身，有個菜濕濕地都幾balance。金銀蛋味道足夠，而小波菜苗真係連根一棵棵，我第一次見連根，因為我家煮都係會切根。記得咬開佢慢慢食，唔好一啖一棵啦！-食到咁飽，仲
-
由於唔知食咩好，隨手揀左二人套餐。
-
入座前菜係琥珀合桃，又甜又脆口，不過好快膩。食到膩果陣，可以配下面頭嘅奇異果乾，清清口入面過重嘅甜味。
前菜
111 views
0 likes
0 comments
-
先上嘅係黑毛豬叉燒，欣賞佢蜜汁唔慳家。
黑毛豬叉燒
73 views
0 likes
0 comments
-
之後有蟹粉小籠包，皮薄爆汁，但蟹粉味唔算突出。
蟹粉小籠包
44 views
0 likes
0 comments
-
跟住先出現返套餐嘅前菜，有花雕醉雞、酒香鴨肝同蜂蜜紫薯鮮淮山，乾冰冒住煙出現都幾靚。雞有淡酒香唔嗆鼻，肉都嫩口；鴨肝就重酒味但可以癖內臟腥味；而紫薯鮮淮山甜甜地幾開心，脆脆就有少許唔太夾。
花雕醉雞、酒香鴨肝、蜂蜜紫薯鮮淮山
48 views
1 likes
0 comments
-
再黎一個湯品，火瞳雲吞雞湯，湯幾清甜，每樣料嘅味道都好好，好夾，大推
火瞳雲吞雞湯
43 views
1 likes
0 comments
-
然後主菜有乾燒明蝦球，呢個要請店員起菜。佢蝦球大大碌啖啖肉，好爽口，上面沾滿醬汁同切粒洋蔥，唔食洋蔥嘅我一早撥走晒。有話微辣但連我都食唔出，甜甜地唔會膩，配埋鋪底嘅脆脆，今次就夾啦。
乾燒明蝦球
182 views
0 likes
0 comments
-
菜有金銀蛋小波菜苗，同樣要叫起。相比同為主菜嘅蝦球同叉燒都偏乾身，有個菜濕濕地都幾balance。金銀蛋味道足夠，而小波菜苗真係連根一棵棵，我第一次見連根，因為我家煮都係會切根。記得咬開佢慢慢食，唔好一啖一棵啦！
金銀蛋小波菜苗
20 views
0 likes
0 comments
-
食到咁飽，仲有個抹茶紅豆布甸，唔好以為佢得面頭，其實個容器都幾深下，保證你飽住離開。講返布甸，同樣乾冰冒煙座凍，好美觀咁出場，味道上奶香比較突出，有微甜紅豆中和返布甸嘅味道。
抹茶紅豆布甸
18 views
0 likes
0 comments
-
不得不讚揚餐廳服務態度十分好，由入門、上菜、品嘗，直到離開都同樣友善。上菜時不同職級嘅店員都懂得介紹菜名，等客人知道上緊咩菜式，過程中見到隔離枱都有唔少家人朋友聚餐，留意到大家同樣得到好好嘅服務。
而菜式嘅賣相、味道、份量及價值都很好，坐得舒服，食得開心，係可以再覆桌嘅餐廳😆
Post
