珍寶王國 (Closed)

很小的時候爸爸媽媽有帶過我去食，但對於這個珍寶海鮮舫已經冇咩印象，早幾日有同事話想去食，扮下遊客，便去了。佢有停車場，但行去碼頭都有點遠，要行一條長樓梯，同事之中有孕婦，便不是太方便。碼頭有三個，我們在中間果個上船，幾有趣，幾分鐘便到。我們搭lift上到三樓，裝修都幾好，有個台比人影相扮皇帝皇后，遊客應該buy果度可以食普通茶樓的點心、炒麵炒飯果d,我們叫了一些點心，味道正常，冇咩特別，來到就當然海鮮是重點，我們叫了芝士龍蝦伊麵和蒸東星斑，隻龍蝦有成兩斤有多，揀海鮮可自己落二樓睇，揀龍蝦果時仲可以攞住影相。隻龍蝦幾多肉，連鬚都有肉，魚都好好味，價錢就真係幾貴，食一次玩下就ok