閑茶

Open Now

Now Closed

原本想去七仔買野飲，但經過見到閑茶個裝修幾啱快閃打卡，就改咗去買手搖飲品😂好少有手搖店係有枱凳可以坐低打卡嘅，環境比較深色有型格。我揀咗杯珍珠四季春奶茶，朋友揀葡萄柚椰果多多，因為天氣太熱，朋友仲揀多個粉色梅梅新地杯食。四季春呢隻茶其實好香好好飲，見好多fd都無乜試過四季春覺得有d可惜，而四季春配搭珍珠同奶，係好清雅嘅茶味唔會俾奶味搶過哂，好正。梅梅新地杯好多梅粉，雪糕睇落好靚，好啱打卡。葡萄柚椰果多多，朋友話唔會好甜，啱哂減緊肥戒甜嘅佢。因為係拎去睇戲飲，我地拎咗個外賣袋裝野飲，佢地嘅外賣袋唔係d核突膠袋，係可以保溫嘅錫紙袋，都幾有心思。可惜趕住入場無試佢地個炸三治，朋友話呢排炸三文治好似幾hit，唯有下次再買嚟試下啦。