Video
Read full review
2008-12-22
67 views
話說好友兩難個多月前壽辰, 我們大伙兒跟他到此慶祝. 之前也未聽過德藝會有餐廳, 只知這裡係做gym和游水的club house. 估唔到, 呢度唔單止有晚飯地方, 更有可筳開廿圍的宴會廳. 言歸正傳, 是日要了一圍酒席, 反正人多, 唔洗諗, 又幾好喎. 大閘蟹2隻, oh, 好大隻喎, 隻隻都有成四五両, 雖然唔係乸, 但膏都算幾多, 好飽呀! 點解會無相, 因為一上枱, 大家已急不及待咁攞咗去吃, 我也一時忘記咗lu! 好彩他們叫完了第一輪, 等我們抖抖, 再展開第二輪攻勢, 否則實難以招架. 海中寶翠玉瓜, 呢味都唔錯, 有蝦碌, 帶子, 翠玉瓜… 蝦似乎係海蝦, 較爽甜, 鮮味. 帶子也不是雪藏貨. 翠玉瓜清清地, 配海鮮炒, 係最好的配搭.蟹皇翅 : 呢個翅除了加了蟹肉和蟹膏外, 相信有少少鹹旦王, 因有少少不屬於塩的鹹味, 但又跟蟹膏很配合. 很滿足的一個翅.海班兩食 : 沒想過一邊係穌炸, 一邊係炒海班咁樣上枱. 炒班片, 加上了大量雲耳, 燈籠椒同炒, 清新, 把班片的鮮味推陳出來. 再來係穌炸的, 他們把近骨的肉連骨穌炸, 一點也不浪費. 既把魚的油脂飽覽無遺
言歸正傳, 是日要了一圍酒席, 反正人多, 唔洗諗, 又幾好喎.
大閘蟹2隻, oh, 好大隻喎, 隻隻都有成四五両, 雖然唔係乸, 但膏都算幾多, 好飽呀! 點解會無相, 因為一上枱, 大家已急不及待咁攞咗去吃, 我也一時忘記咗lu! 好彩他們叫完了第一輪, 等我們抖抖, 再展開第二輪攻勢, 否則實難以招架.
海中寶翠玉瓜, 呢味都唔錯, 有蝦碌, 帶子, 翠玉瓜… 蝦似乎係海蝦, 較爽甜, 鮮味. 帶子也不是雪藏貨. 翠玉瓜清清地, 配海鮮炒, 係最好的配搭.
蟹皇翅 : 呢個翅除了加了蟹肉和蟹膏外, 相信有少少鹹旦王, 因有少少不屬於塩的鹹味, 但又跟蟹膏很配合. 很滿足的一個翅.
海班兩食 : 沒想過一邊係穌炸, 一邊係炒海班咁樣上枱. 炒班片, 加上了大量雲耳, 燈籠椒同炒, 清新, 把班片的鮮味推陳出來. 再來係穌炸的, 他們把近骨的肉連骨穌炸, 一點也不浪費. 既把魚的油脂飽覽無遺, 也連脆骨也一併儘嚐.
文昌雞 : 唔係好知呢個名點解. 但雞肉都頗嫩滑, 算ok 啦!
草菇竹笙上素 : 呢味賣相的確花心思. 不過似乎有點太清淡了, 雖用了上湯同煮, 但小棠菜有點老, 味道也淡了點.
蟹粉鍋貼 : 估不到係你面前, 有專人為你煎好上枱. 嘩! 真想不到這麼簡單的一道菜, 也有如此安排. 不錯, 鍋貼真的要即煎即食, 皮才會夠熱和脆. 肉汁也不會凝結. 呢個蟹膏的油份流瀉.
蟹膏炒飯 : haha, 都搵到蟹膏架, 飯炒得粒粒分明, 有蟹膏的味道融入了, 點綴了整個炒飯.
最後, 當然要嚟個湯圓啦, 芝麻好香, 細滑, 不會太甜, 皮夠薄且軟. 很合我口味!
服務細心, 我想他們也用了不少心思, 希望搞好這中菜部. 下次有機會, 要跟家人來飲茶先得!
Post
