花滿樓京川滬菜 (Closed)

中午時段臨時訂竟然有位，還遲了15分鐘到達，仍然留位給我們。其實已是第三次來，我每次必叫的黑醋排骨，今次有好濃烈的黑醋香，非常之醒胃，排骨沒有肥膏，但肉質鬆化不會乾身，就算淋上黑醋汁，仍然有脆身口感，比之前有進步。擔擔麵-麵身爽口幼滑、湯底又濃又香，除了有花生味之外，辛辣味亦見突出，我個人認為再加點辣更好。小籠包-皮薄多湯，可惜一夾即穿。雜菇小棠菜略為多油。素鵝-腐皮唔腍又唔脆，有點韌，而且包得好鬆散，料的冬菇好容易漏出來。蘿蔔絲酥餅-賣相唔靚，勝在夠熱及酥皮鬆化，除了蘿蔔絲，還有火腿，但不是金華火腿，大家都覺得火腿口感似煙肉，所以食唔到蘿蔔香，只有濃濃的煙肉味。食了半個蘿蔔絲餅後，可能油炸的關係，非常膩口，連上海炒年榚都食唔落。