炑八韓烤 (Closed)

又係遲到食評系列。早排城中熱話絕對離唔開日式燒肉同AA制，韓國燒烤即時被搶盡風頭。今年情人節，我地都食左好好味嘅韓國燒肉，不過港女如我，情人節都係由情人埋單，真心要多謝男朋友無私付出。尖沙咀嘅餐廳，情人節當然爆滿，一早book左枱順利入座。情人節餐好豐富，不同嘅肉類同埋海鮮，當然唔少得蔬菜。食物之外，每枱亦會送上一束滿天星花同燒酒。芝士溶岩飯一上枱時係心型，店員等我地影完相之後就幫我地加芝士同蛋漿再炒勻佢，真係好好食，唔知平時菜單有無，如果唔太貴，個肚又有空位值得一試。護心肉都係砌成心型。仲有其他雞肉、五花腩、蝦等等，味道不錯，食到好飽。都過左一個貴，但相對抵食嘅情人節。