Video
Read full review
2023-08-14
269 views
多數茶餐廳都會喺夜晚提供小炒甚至鐵板餐，不過呢間就只有碟頭飯，而且係每日精選，即係未必日日都有星洲炒米嗰啲🙈呢日咁啱有芝士咖喱豬扒焗飯($55)，好耐冇食港式咖喱所以就入去試試🤓隨餐附送熱飲同是日靚湯，不過真係超級咸，唔建議大家要😂滿滿嘅芝士真係令人食慾大增，雖然未至於爆漿嗰種，但絕對比連鎖店慷慨，足夠比你過吓癮，如果焗燶啲就再正啲😋豬扒唔係用粉漿炸嗰款，應該係純粹沾少少粉就攞去油炸，所以唔會有一層淋咗嘅粉皮喺面頭，仲有脆脆嘅肥膏😝雖然唔算超厚，但食落唔覺用咗好多梳打粉，亦都唔係好乾好柴，所以都已經唔錯👍🏻意粉亦都冇太淋或者發脹曬嘅問題，份量頗多，再加埋面頭有啲薯仔粒(應該有煎過表面所以口感幾好)，食完真係飽到上心口😆啲咖喱偏向日式，即係冇咁香辣同濃味，但整體嚟講都幾抵食幾唔錯😉
焗芝士咖喱豬扒意粉
$55
26 views
0 likes
0 comments
豬扒唔係用粉漿炸嗰款，應該係純粹沾少少粉就攞去油炸，所以唔會有一層淋咗嘅粉皮喺面頭，仲有脆脆嘅肥膏😝雖然唔算超厚，但食落唔覺用咗好多梳打粉，亦都唔係好乾好柴，所以都已經唔錯👍🏻
意粉亦都冇太淋或者發脹曬嘅問題，份量頗多，再加埋面頭有啲薯仔粒(應該有煎過表面所以口感幾好)，食完真係飽到上心口😆啲咖喱偏向日式，即係冇咁香辣同濃味，但整體嚟講都幾抵食幾唔錯😉
Post
