Video
Read full review
2019-08-23
2450 views
自問去過唔少地方食自助餐，論食物選擇豐富，必要數到紅磡都會海逸的Promenade，即使不是冠軍，至少也在三甲之列。建議，來之前三天不吃東西，以保留食力，哈哈！誠然，筆者以往較少光顧，皆因呢度長期高朋滿座，一位難求。 Well，都係講番嘢食，太多選擇，應該從邊度講起？不如先睇凍海鮮，開邊波士頓龍蝦隻隻多羔，蟹腳是粗身多肉的好東西，仲有坊間不多見的麵包蟹，翡翠螺、凍蝦、青口等基本嘢，肯肯定有供應。兩款產地的即開生蠔，分別係美國和法國。每樣拿一打回來，五條友分甘同味，我好耐無試過咁搏命了。刺身既水準，絕對優質，尤以鮮甜的帶子，最吸引我。今期主題係西班牙風情，所以風乾火腿的款式寧舍多，仲有西班牙凍腸、八爪魚配新薯，以及重口味的蒜味蝦仁配多士，懶理之後「呵氣如蘭」。熱葷方面，亦有一系列的西班牙美食。最經典的當然是西班牙海鮮燴飯，顏色鮮艷，海鮮多元化，還混入雞肉及西班牙腊腸。西班牙雞肉田螺燴飯亦美味，不讓海鮮飯專美。另外，我素來喜歡的烤乳豬做得脆卜卜、Tortilla是傳統的味道，還有重點推介的砵酒蜜糖燴豬面頰，嫩腍入味。西班牙主題特色美食外，即煎澳洲M5和牛肉眼也是食肉獸的必然
自問去過唔少地方食自助餐，論食物選擇豐富，必要數到紅磡都會海逸的Promenade，即使不是冠軍，至少也在三甲之列。建議，來之前三天不吃東西，以保留食力，哈哈！
誠然，筆者以往較少光顧，皆因呢度長期高朋滿座，一位難求。
Well，都係講番嘢食，太多選擇，應該從邊度講起？不如先睇凍海鮮，開邊波士頓龍蝦隻隻多羔，蟹腳是粗身多肉的好東西，仲有坊間不多見的麵包蟹，翡翠螺、凍蝦、青口等基本嘢，肯肯定有供應。兩款產地的即開生蠔，分別係美國和法國。每樣拿一打回來，五條友分甘同味，我好耐無試過咁搏命了。
刺身既水準，絕對優質，尤以鮮甜的帶子，最吸引我。
今期主題係西班牙風情，所以風乾火腿的款式寧舍多，仲有西班牙凍腸、八爪魚配新薯，以及重口味的蒜味蝦仁配多士，懶理之後「呵氣如蘭」。
熱葷方面，亦有一系列的西班牙美食。最經典的當然是西班牙海鮮燴飯，顏色鮮艷，海鮮多元化，還混入雞肉及西班牙腊腸。西班牙雞肉田螺燴飯亦美味，不讓海鮮飯專美。另外，我素來喜歡的烤乳豬做得脆卜卜、Tortilla是傳統的味道，還有重點推介的砵酒蜜糖燴豬面頰，嫩腍入味。
西班牙主題特色美食外，即煎澳洲M5和牛肉眼也是食肉獸的必然之選。香煎鴨肝，也是正義朋友要消滅的東西之一。
其他的熱食包括惹味的避風塘炒龍蝦鉗、鬆化的牛仔骨、意大利薄餅、有點像港式做法的醬烤黑豚腩肉，同埋炒金邊粉等，務求令你爆肚而歸。
甜品款式亦超級多，估唔到呢度有勁豐富的榴槤系列選擇，像這個賣相似榴槤的斑蘭榴槤蛋糕，又有榴槤天使蛋糕，充滿果肉的即製榴槤班戟，以及榴槤雪條等，似要成為榴槤甜品自助餐的一哥！
明白榴槤呢家嘢，不是人人接受到，這兒亦有極多非榴槤系的甜食，滋潤養顏的鮮奶燉水晶燕窩，女士們千萬不要錯過。還有即焗梳乎厘、英式的麵包布丁、數之不盡的蛋糕等，當然唔少得西班牙風味的玉桂蜜糖多士。Häagen-Dazs 脆皮雪糕批輕易將我迷倒，另外五款嶄新口味的雪糕也有意外驚喜，特別推薦奇異果芒果口味，原來兩者組合起來會這如斯討喜。
Post
