Video
Read full review
2022-09-25
32 views
講到串燒店，旺角依間《安安燒》長期都係人氣之選。晚上通常7點已經座無虛席。出面掛住橙色同埋紅色嘅燈籠，好有中式料理嘅氣氛。食物種類都好多，蔬菜類、肉類、面類都有，咁我今次就介紹幾款必點嘅菜式，基本上全部都有辣度可以選擇，所以唔食得辣嘅朋友都唔使驚。惹味蒜蓉生燒茄子 $48一大條茄子開兩邊去燒，茄子肉完全唔會黐住個皮，啖啖蒜蓉味又鮮甜。頂級鹽燒多春魚 四條 $46燒多春魚都好考功力，要燒到乾身同埋魚肉唔會散開，咁依間就做得好好。食落啖啖魚籽，連埋啲魚骨都燒到好脆身。蒜蓉燒扇貝四隻 $60新鮮扇貝放上蒜蓉同埋辣椒，扇貝肉都幾飽滿，又有鮮味。燒甜美菠蘿$25燒到啱啱好，所以面頭會有焦黃色嘅，食落唔會酸又多汁。燒孜然羊肉串 $40孜然味好重嘅羊肉串，一啲都唔會有羊肉嘅羊羶味，肥瘦適中，咬開好多肉汁。安安秘製三重芝士撈丁 $54三重芝士用左藍芝士、巴馬臣芝士同埋車打芝士製成。表面上再用火槍炙燒過，食之前再攪拌一下，就會見到長長嘅拉絲，好邪惡。菠蘿啤 $17得一次飲依款菠蘿味好重嘅啤酒，低酒精又甜甜地，男女都好適合飲用。我都係第一次飲覺得鍾意❤️甜品方面除咗燒菠蘿，我哋仲叫咗日式煉奶燒麻薯，佢有黃豆
講到串燒店，旺角依間《安安燒》長期都係人氣之選。晚上通常7點已經座無虛席。出面掛住橙色同埋紅色嘅燈籠，好有中式料理嘅氣氛。
食物種類都好多，蔬菜類、肉類、面類都有，咁我今次就介紹幾款必點嘅菜式，基本上全部都有辣度可以選擇，所以唔食得辣嘅朋友都唔使驚。
惹味蒜蓉生燒茄子 $48
一大條茄子開兩邊去燒，茄子肉完全唔會黐住個皮，啖啖蒜蓉味又鮮甜。
頂級鹽燒多春魚 四條 $46
燒多春魚都好考功力，要燒到乾身同埋魚肉唔會散開，咁依間就做得好好。食落啖啖魚籽，連埋啲魚骨都燒到好脆身。
蒜蓉燒扇貝四隻 $60
新鮮扇貝放上蒜蓉同埋辣椒，扇貝肉都幾飽滿，又有鮮味。
燒甜美菠蘿$25
燒到啱啱好，所以面頭會有焦黃色嘅，食落唔會酸又多汁。
燒孜然羊肉串 $40
孜然味好重嘅羊肉串，一啲都唔會有羊肉嘅羊羶味，肥瘦適中，咬開好多肉汁。
安安秘製三重芝士撈丁 $54
三重芝士用左藍芝士、巴馬臣芝士同埋車打芝士製成。表面上再用火槍炙燒過，食之前再攪拌一下，就會見到長長嘅拉絲，好邪惡。
菠蘿啤 $17
得一次飲依款菠蘿味好重嘅啤酒，低酒精又甜甜地，男女都好適合飲用。我都係第一次飲覺得鍾意❤️
甜品方面除咗燒菠蘿，我哋仲叫咗日式煉奶燒麻薯，佢有黃豆粉同埋煉奶，真係好好味😋
Post
