Video
Read full review
2018-05-17
4404 views
好友外遊回港，說要給我們幾位好姊妹派手信，相約大家晚飯一敘，順便分享一下這次旅遊體驗。至於揀選餐廳嘅任務，今次就交由識飲識食嘅甜姐兒負責。小美人雖然愛吃英倫菜，但對口味獨特的豉油西餐亦情有獨鍾，所以這晚就特意為大家選了這間以懷舊作招徠嘅「來佬餐館」。餐廳位於灣仔杜老誌道 5 號，店址樓高兩層，地下設有酒吧「來佬吧」，顧客可於融匯中西文化色彩的設計下品嚐美酒、消遣暢敘。到埗後，先沿著這條樓梯往上走。門口的擺設很有特色，以懷舊戲院作主題，旁邊放有一座古董機械磅重機，睇得出喺佈置上下過不少心思，的確令人眼前一亮。再往前走，店內地方偌大，座位非常寬敞，細看四周，裝潢屬星級茶餐廳格局，有情侶最愛的沙發卡座、仿古壁燈、啡木地板、黃黑格仔牆紙，充滿懷舊色彩，有種重拾昔日花樣年華嘅感覺。翻開餐牌，菜式選擇甚多，有前菜、湯、主菜、鐵板、飯麵、三文治、甜品、經典飲品、特色飲品、來佬主廚推介及一系列 green monday 素食。另外餐廳依家做緊 5 月優惠 promotion，於星期一至四惠顧來佬經典扒餐，每兩位客人可享一位半價優惠。由於甜姐兒之前曾來過，對餐廳的餸菜比較熟悉，所以今晚就決定請她代大家點
好友外遊回港，說要給我們幾位好姊妹派手信，相約大家晚飯一敘，順便分享一下這次旅遊體驗。至於揀選餐廳嘅任務，今次就交由識飲識食嘅甜姐兒負責。小美人雖然愛吃英倫菜，但對口味獨特的豉油西餐亦情有獨鍾，所以這晚就特意為大家選了這間以懷舊作招徠嘅「來佬餐館」。
餐廳位於灣仔杜老誌道 5 號，店址樓高兩層，地下設有酒吧「來佬吧」，顧客可於融匯中西文化色彩的設計下品嚐美酒、消遣暢敘。到埗後，先沿著這條樓梯往上走。門口的擺設很有特色，以懷舊戲院作主題，旁邊放有一座古董機械磅重機，睇得出喺佈置上下過不少心思，的確令人眼前一亮。
再往前走，店內地方偌大，座位非常寬敞，細看四周，裝潢屬星級茶餐廳格局，有情侶最愛的沙發卡座、仿古壁燈、啡木地板、黃黑格仔牆紙，充滿懷舊色彩，有種重拾昔日花樣年華嘅感覺。
翻開餐牌，菜式選擇甚多，有前菜、湯、主菜、鐵板、飯麵、三文治、甜品、經典飲品、特色飲品、來佬主廚推介及一系列 green monday 素食。另外餐廳依家做緊 5 月優惠 promotion，於星期一至四惠顧來佬經典扒餐，每兩位客人可享一位半價優惠。由於甜姐兒之前曾來過，對餐廳的餸菜比較熟悉，所以今晚就決定請她代大家點菜。
趁小食未上，先點飲料。被這兩杯鴛鴦奶茶紅豆冰 ($48) 及飄流幻境 ($48) 吸引，飲品一開為二，造型非常搞鬼，一於同好姊妹一人一杯。奶茶香甜幼滑，而紅豆冰亦很有水準，紅豆夠大粒，有少量更熬至起沙，入口啖啖紅豆香，加上順滑濃郁的淡奶，簡直是絕配。至於友人所選的飄流幻境，其實是鮮果蜜桃茶及巨峰提子梳打，據說兩款飲品，味道亦不俗，非常清新，入口透心涼。
先吃兩款小食，來佬汁雞翼 ($88) 是餐館經典美食之一，自家製的來佬汁放了大地魚和海味，味道有點像瑞士汁，雞翼大大隻，沾滿了來佬汁，咬下肉質嫩滑，香甜入味。
接著上桌的大蝦多士 ($72)，亦做很正宗，不但外表金黃香脆，而且用新鮮蝦打成嘅蝦膠，食落亦彈牙鮮甜，是一道令人回味嘅懷舊小吃。
喺 green monday 綠色素食餐單揀咗兩款素菜，先嚟嘅來佬未來漢堡配黑松露薯條 ($98) 以木砧板呈上，漢堡可選原味、港式蔥油及四川麻辣，而我地揀嘅呢款就係港式蔥油口味。未來漢堡特別選用風靡全美國嘅 Beyond Burger，漢堡採用百份百全植物製作，除了豌豆蛋白，更特別加入咗紅菜頭汁及椰子油炮製，吃起嚟口感唔錯，好似手打漢堡扒咁鬆軟，豐腴多汁，細嚐下更散發出陣陣「肉」的焦香，絕對可媲美真正牛肉。
薯條非常脆身，熱度十足，入口充滿薯仔甜香，沾上黑松露醬吃，松露的香氣慢慢從口腔中滲出，滋味滿分。
接著送上的黯然銷魂素叉燒飯 ($108)，賣相亦十分吸引，素叉燒以自家製麵筋加上秘製醬汁及麥芽糖烤製，食落帶焦香口感。太陽蛋蛋黃偏橙，有微微蛋香，燶邊脆口，生熟度剛好，配上白飯，非常美味。
壓尾這客是的威靈頓66 ($268)，牛柳用鐵板盛上，面層的酥皮，香氣撲鼻，而內裡就釀有火腿及菇粒，主角安格斯牛柳甘香濃郁，食落嫩滑多汁，層次感非常豐富。
一場嚟到，無理由唔食埋甜品先走，梳乎厘是餐廳名物，當然要一試。來佬梳乎厘 ($98) 有原味及阿華田兩款，選了後者，梳乎厘用蛋白、砂糖、牛油、吉士和阿華田等打起製成，外形十分挺身，入口鬆軟，甜品控必點。這餐廳無論喺服務和食物質素，都可以拿到上佳分數，加上店內的陳設，懷舊味十足，如果大家都想一嚐結合本港歷史色彩的正宗港式美食，這裡絕對是不二之選。
Post
