大圓滿素食 (Closed)

去左佐敦買開野，見到有間素菜店叫大圓滿未去過就諗住今日清清地食下素食。上到去見到分開2邊，一邊似快餐店形式，另一邊似餐廳有中式茶飲，最後同朋友去左餐廳果邊坐得舒服點飲口茶。今次叫左3個餸，價錢都合理吾貴，3個餸送到桌面時沒想到都幾靚。最後每人都係百多元就食飽飽返去。五枊比目魚像真度都好高同口感好似，份量其實都不少，但醬汁如果酸少少就更好，當然最好加個白飯黎先。蛇羹好味道，係新菜式，款式已經十分相似，口感都不錯，仲有脆脆和香料食就令到件事更加完滿，佢仲有一碗和一鍋選擇，食多食少隨意，我最後食左3碗添，特別適合我吾可以成日食蛇的我但又口痕想食下。大圓滿樓上樓，蛋加豆腐一齊整加上少少菜顏色已經十分吸引，上面還有素帶子。份量多，醬汁吾太杰身但味道偏淡。