鮨㐂 (Closed)

遇上好朋友生日， 絕對要揀間好餐廳試試佢！自從上次第一次試過Omakase之後, 一直念念不忘🥺 所以今次就揀咗銅鑼灣既鮨㐂試一試。早有耳聞佢嘅lunch menu非常抵食， 有好幾種唔同件數既壽司配搭， 自由度非常大， 好岩唔同食量既男男女女。但係我地第一次黎， 當然要試下佢既omakase set啦！連蒸蛋都有海膽真係見到都好開心❤❤老實講每次食完睇番相都會分唔到邊件打邊件，甚至忍唔住即刻放入口， 都唔記得影相。不過每樣都非常好味， 我個人最最最最鍾意係海膽滿到跌晒出黎既海膽壽司🤤🤤 食omakase既另一種滿足感就係， 每食完一舊， 都要等師傅慢慢整另一舊比你既期待感。 而新一輪既壽司又會再突破你既期待感， 真係非常滿足🥰🥰 唯一美中不足係師傅們傾計有d大聲， 大聲到聽到佢地講是非。 少左高級日餐應有既寧靜感。畢竟食omakase個種同師傅既互動都係另一賣點呀～