Video
Read full review
2020-04-15
335 views
話咁快又復活節假期，雖然假期期間，條街多翻啲人，但老實講，疫情期間都無乜假日氣氛。。。希望呢次既疫情可以快啲過去。今日出左旺角買野，另外又知道呢間火鍋任食有早鳥優惠，所以買完野，急急腳5點就過黎食。每一枱空間都好大，而且醬料全部用蓋蓋住，幾有安全感。鍋底選擇都唔少，我就揀左我最有興趣既蟲草雞湯。入面都真係有唔少雞件，而且因為太餓既關係，我係野食黎之前就食左幾舊，肉質都幾滑幾好食，完全唔鞋。每枱會送以下兩份食物：海鮮拼盤有帶子，脆肉鯇，蝦同蜆，都幾新鮮，而且份量唔少。頂級牛頸脊唔肥，都有牛肉味。另外每人會送兩串串燒，我地揀左牛肉串同豬頸肉串。孜然粉味好香，少少辣辣地，牛肉我覺得普通啲，我反而比較鐘意豬頸肉，幾有咬口。食物都好新鮮，而且好多唔同選擇，我最欣賞既係呢間點菜既數量選擇，響鈴可以叫兩件，肉丸可以叫兩粒，其他配料全部可以揀一份或者半份，岩哂我呢啲眼闊肚窄既人！！首先係羊肉卷，羊肉味夠濃，不過怕膻味既朋友可能要諗諗哈哈！因為我就係覺得夠膻先好食！肥牛我以為同平時火鍋店見到既一樣，上面會有層厚厚既肥膏。但係佢層肥油比例真係唔算多，而且瘦肉部份都有啲油花，係唔錯既！菠菜好新鮮！菇類都有好
今日出左旺角買野，另外又知道呢間火鍋任食有早鳥優惠，所以買完野，急急腳5點就過黎食。每一枱空間都好大，而且醬料全部用蓋蓋住，幾有安全感。
鍋底選擇都唔少，我就揀左我最有興趣既蟲草雞湯。入面都真係有唔少雞件，而且因為太餓既關係，我係野食黎之前就食左幾舊，肉質都幾滑幾好食，完全唔鞋。
每枱會送以下兩份食物：
海鮮拼盤有帶子，脆肉鯇，蝦同蜆，都幾新鮮，而且份量唔少。頂級牛頸脊唔肥，都有牛肉味。
另外每人會送兩串串燒，我地揀左牛肉串同豬頸肉串。孜然粉味好香，少少辣辣地，牛肉我覺得普通啲，我反而比較鐘意豬頸肉，幾有咬口。
食物都好新鮮，而且好多唔同選擇，我最欣賞既係呢間點菜既數量選擇，響鈴可以叫兩件，肉丸可以叫兩粒，其他配料全部可以揀一份或者半份，岩哂我呢啲眼闊肚窄既人！！
首先係羊肉卷，羊肉味夠濃，不過怕膻味既朋友可能要諗諗哈哈！因為我就係覺得夠膻先好食！肥牛我以為同平時火鍋店見到既一樣，上面會有層厚厚既肥膏。但係佢層肥油比例真係唔算多，而且瘦肉部份都有啲油花，係唔錯既！
菠菜好新鮮！菇類都有好多唔同種類，我乜都叫左啲黎食下哈哈！蜂巢豆腐豆味又幾香喎！
飲品方面有唔同既罐裝汽水同道地紙包飲品，一定岩哂大部份人既需要！
Post
