元祖和風食堂虎藏 (Closed)

原來屋企附近開咗間新嘅日式餐廳，唔係朋友講都冇發現到。於是就同朋友一齊去試下。以日式餐廳嚟講，食物選擇種類都算頗多，所以都睇咗一段時間先落到單。自選拉麵魚生飯定食呢個定食有得揀唔同拉麵同埋魚生飯。而今次就配撘左和風醬油拉麵同蒲燒鰻魚飯。拉麵嘅湯底尚算濃郁，拉麵嘅軟硬適中。而鰻魚都幾新鮮，食落好有鮮味。不過兩碗嘅份量都偏小，食完都唔算太飽。如果下次會再食，會考慮分開嗌一碗拉麵同一碗飯，價錢差唔多，但份量會比較多。