紅火鮮料火鍋專門店

Open Now

Now Closed

餐廳噱頭係集齊中日韓，一次可以滿足三個願望。一場黎到梗係試曬啦。火鍋揀左花膠湯底，叫左刺身炸物。韓燒就梗係食肉啦！Menu算係多選擇，不過韓燒同火鍋既料其實可以MIX叫左D肉上黎都唔知係燒定淥。兩邊都試左，都係覺得燒好味，哈哈。於是D肉一上黎，全部擺曬落去燒。牛肉唔錯榴蓮炸彈入面既榴蓮有D少，唔過癮。不過味道唔差既。炸芝士個皮薄，但食落係淋，唔脆其他炸物新鮮炸起，脆口，粉都唔算多。火鍋我比較少食，主要係朋友食。無咩好點評，一般火鍋料，湯底我地都無飲，不過上黎既時候見到個底都好足料。值得注意既係，食到後面我想食花膠既時候發現裡面有污糟野.......唔知係本身唔乾淨定D蜆有沙跌左入去刺身帶子同鮑魚片幾好味，其他質素正常。餐廳有熟食，但只有兩款，魚蛋同.....（唔記得左）,飲品方面大多數都係好多糖既飲品無咩選擇，為數不多既茶類唔係平時飲開既大路野eg津路，唔好味。雪糕朱古力好味，豆腐唔好試，白糖味希望食材方面可以嚴謹D日式提供多D食物選擇。