Video
Read full review
2023-02-23
60 views
尖沙咀黎講呢間居酒屋價錢算平但質素好，性價比高，師傅都好好人~星期一去都差唔多滿座呢，叫左幾樣師傅推薦但平時唔多食嘅野，點知有驚喜！我地係openrice訂座仲有85折，抵上加抵！！！！.沙甸魚苗刺身沙律佢嘅沙甸魚顛覆左我對沙甸魚嘅認識，非！常！甜！亦都保留到佢本身應有嘅濃味。我朋友唔覺得魚生好食，食完之後都話好好食係甘食，真係出色嘅~ 夾埋佢嘅醬汁，魚嘅油鮨，非常香口.北海道銀鱈魚、蜜柑鯛刺身名副其實嘅蜜柑鯛，魚生真係食到啖啖嘅蜜柑味，唔係上面加柑皮個種，非常新鮮🥹 銀鱈魚肉質肥美，帶豐潤魚油香，有啲似toro但更爽同冇甘膩！.磯自慢清酒對清酒有偏見嘅我係朋友嘅強迫下試左，點知呢款又幾容易入口，有花果香，啖啖地好岩食完濃味魚生飲一杯清清味蕾再食淡味啲嘅魚~.牛肉長芋京蔥燒拌溫泉蛋係好新穎嘅配搭~長芋應該係類似山藥，呢個菜式好多唔同嘅味道，溫泉蛋撈落去之後用紫菜包住牛肉同山藥食又係另一種享受，山藥嘅粘稠唔會好難接受，睇得出師傅有唸過度過！.甲羅燒中意食蟹嘅朋友絕對唔可以錯過，係蟹蓋上面係濃郁嘅蟹膏，可以就住豆紙包住嘅飯，亦可以同麵包一齊食。香味濃郁得黎，食材搭配得頗有心機。.月見免治雞
.
沙甸魚苗刺身沙律
佢嘅沙甸魚顛覆左我對沙甸魚嘅認識，非！常！甜！亦都保留到佢本身應有嘅濃味。我朋友唔覺得魚生好食，食完之後都話好好食係甘食，真係出色嘅~ 夾埋佢嘅醬汁，魚嘅油鮨，非常香口
.
北海道銀鱈魚、蜜柑鯛刺身
名副其實嘅蜜柑鯛，魚生真係食到啖啖嘅蜜柑味，唔係上面加柑皮個種，非常新鮮🥹 銀鱈魚肉質肥美，帶豐潤魚油香，有啲似toro但更爽同冇甘膩！
.
磯自慢清酒
對清酒有偏見嘅我係朋友嘅強迫下試左，點知呢款又幾容易入口，有花果香，啖啖地好岩食完濃味魚生飲一杯清清味蕾再食淡味啲嘅魚~
.
牛肉長芋京蔥燒拌溫泉蛋
係好新穎嘅配搭~長芋應該係類似山藥，呢個菜式好多唔同嘅味道，溫泉蛋撈落去之後用紫菜包住牛肉同山藥食又係另一種享受，山藥嘅粘稠唔會好難接受，睇得出師傅有唸過度過！
.
甲羅燒
中意食蟹嘅朋友絕對唔可以錯過，係蟹蓋上面係濃郁嘅蟹膏，可以就住豆紙包住嘅飯，亦可以同麵包一齊食。香味濃郁得黎，食材搭配得頗有心機。
.
月見免治雞
免治雞肉細膩嫩滑，調味亦做得啱啱好，加埋月見蛋黃一戳落去爆開嗰下真係經典，撈勻黎食會感覺成個口感非常有層次，極有幸福感。
.
軟殼蟹水菜卷
呢間嘅軟殼蟹非常好咬，一啲都唔硬得黎又保留脆脆嘅口感，好易入口。成個卷食落去口感豐富，清爽唔膩，一啖一個好快就食曬。
Post
