界日本料理 (Closed)

大圍區食到悶悶地，星期六中午得閒所以去左發掘新野，呢間餐廳離火車站遠啲，但有價錢合理既午市套餐，餐牌仲有好多選擇，拉面烏冬，飯餐，刺身餐都有！仲要唔駛加一！我今次就揀左壽喜燒，個鍋有生蛋，牛肉，豆腐同菜。個蛋我整散左佢，用湯既熱力令佢變到半生熟，啲餸真係幾多，食哂個鍋既野己經飽，飯只係食到三分一，下次可以叫少飯。湯係普通麵豉湯，味道正正常常，可以加錢轉蜆湯，不過我冇轉到，另外仲有個熱辣辣幾滑既蒸蛋～下次會再黎食！