緣聚鮮鍋 (Closed)

今次來緣聚鮮鍋識路了，直接搭電梯上三樓，要先選好餐及火鍋湯底，點了日式壽喜燒，美國特級牛肉加海鮮刺身放題$228。日式壽喜燒湯底有豆腐、洋蔥，湯底甜甜地，仲有隻生雞蛋🥚，似足日式牛肉鍋。湯鍋夠大，可以放多點食物。餐廳依舊有很多食品，壽司、刺身、前菜、沙律、啤酒飲品、雪糕、甜品等。刺身這天有劍魚、帶子、希靈魚、吞拿魚等，每次可取三款刺身。劍魚有少少冰，不過都幾肥美，帶子鮮甜。特級牛肩胛肉眼淥幾秒就夠，時間稍長已經會韌。帶子連冰成一個半球形😂，連殻煮得耐帶子會丟掉，帶子煮得過久都不韌。烏冬配壽喜燒湯底夠入味。腸仔及午餐肉是我打邊爐至愛，但今次找不到午餐肉。蠔🦪都算大隻。響鈴要在炸物區自己夾，有燈照住不會太淋。台灣腸有少少肥，不過食起來好香口。收碟速度快，通常一分鐘內就收走。