Video
Read full review
2014-09-27
1146 views
想食韓食，知道沙田新城市有間韓式餐廳，所以特登來試下。中午11:45,reception話D人剛入，未開始叫number要等下轉，3人枱要等15張，其實他們有枱，但只開了一半埸，另一半場等到12:30左右才開放。枱去得慢，等了半個多小時才入得。中間有段小插曲，有個中年女人大吵大鬧，因為她張飛過左number,她話她一直企係度，係職員無叫到，其實係reception無咪，只係好細聲咁叫人留意水牌而家係叫緊A，B或C飛，叫人自己留意number，因此等位時要留意睇實，唔係miss左就唔抵！坐低叫左2次先俾水，個戴耳環waiter放低杯水時仲勁粗魯，同一個人我們叫埋單時他又當睇唔到，service超差！餐廳音樂好大聲，speaker好似係頭頂咁，勁嘈！之前以為school food真係好出名某幾個菜，所以個個食評都係那幾味，但原來真係好少款，飲品亦唔夠特色，如果唔係叫一jar那些，只係得柚子蜜，汽水等，價錢亦唔吸引，同樣價錢我之後去Starbucks好過。2個大人叫了3樣野，portion唔似之前D人話咁細，分別點了炸雞配大蔥，韓式豬頸肉炒飯同廚師卡邦尼年糕，2個人食都好飽。炸雞配大蔥（$8
坐低叫左2次先俾水，個戴耳環waiter放低杯水時仲勁粗魯，同一個人我們叫埋單時他又當睇唔到，service超差！餐廳音樂好大聲，speaker好似係頭頂咁，勁嘈！
之前以為school food真係好出名某幾個菜，所以個個食評都係那幾味，但原來真係好少款，飲品亦唔夠特色，如果唔係叫一jar那些，只係得柚子蜜，汽水等，價錢亦唔吸引，同樣價錢我之後去Starbucks好過。
2個大人叫了3樣野，portion唔似之前D人話咁細，分別點了炸雞配大蔥，韓式豬頸肉炒飯同廚師卡邦尼年糕，2個人食都好飽。
炸雞配大蔥（$8x)，比炸雞配沙律菜貴廿蚊左右，但其實一D都唔值，因為大蔥得好少，唔知那廿蚊去左邊！D炸雞淋左，唔脆亦唔特別，只係有D酸酸地的汁。
韓式豬頸肉炒飯($88), ok好味，飯上有一隻太陽蛋同塊芝士，但塊芝士只係少溶，食唔出係豬頸肉，似小肉片碎多D，味道似一般food court的韓式石頭窩飯，但濕D。
廚師卡邦尼年糕，食唔出有辣味，第一口已覺超漏，勁重奶味又甜，食左3舊年糕已經頂唔順要投降，唔明點解係推介。
整體而言，試過就算，唔會有下次！
Post
