盛意小館點心粥麵

Open Now

Now Closed

有一個好耐冇見嘅朋友響尖東嗰頭返工，今日約咗我嚟呢間餐廳，佢話有同事介紹佢嚟呢間，野食都唔錯，雖然佢喺附近返工但又一直都冇試過，一於今日試吓~ 搞到我都對呢間餐廳有啲期望，希望真係正啦由於我哋兩個都好肚餓嘅關係，所以叫咗好多澱粉質食物，其中鮮蝦燒賣，蝦餃同埋韭黃鮮蝦腸粉我都非常欣賞，因為餐廳用啲蝦都幾大隻，非常足料，食完令人非常滿足，建議大家嚟到都要叫多啲鮮蝦類嘅點心唔好好似我哋咁樣眼闊肚窄叫太多澱粉質嘅食物，最終搞到食唔晒我哋都覺得好內疚，因為其實樣樣嘢都幾有水準同埋啲點心都好吸引，搞到我地一時間叫得太多~ 總括嚟講餐廳都無令我失望，食物水準唔錯之餘價錢都唔貴，我哋每人都係俾咗百幾蚊已經捧腹而回仲要食唔晒，所以其實唔洗$100應該已經食得好飽了，以今時今日嘅物價嚟講相當唔錯