Video
Read full review
2024-08-23
458 views
最近試咗馬鞍山呢間新開嘅台式火鍋店，以放題形式用餐，晚市最平7:30前離座只需要$168就可以任食90分鐘😋我哋今次試嘅係中間level嘅尚品，每位成為$238可以食100分鐘，仲送一杯台式飲品，可以揀珍珠奶茶㗎😍好欣賞餐廳可以免費揀鴛鴦鍋我哋揀咗酸菜白肉湯同蕃茄湯。兩款湯底味道都好濃郁，基本上唔使點醬汁就好夠味。餐廳嘅自助區選擇好多，由前菜、小食、主食、火鍋配料去到飲品、甜品都好豐富。因為係台式火鍋，所以有好多台式小食，例如去夜市必食嘅烤腸、關東煮、麻辣鴨血、台式滷水等等，應有盡有，仲有肉燥飯任食可以自己任加肉燥😋火鍋配料方面同樣都好豐富，平時食開嘅火鍋配料呢度都有齊，蔬菜同丸類任食，比較特別嘅係呢度有蛋餃，用蛋取代咗餃子嘅皮，坊間比較少見。另外唔少得台式火鍋必備嘅米血糕。最令人驚訝嘅係呢度仲有苦瓜，真係第一次見打邊爐淥苦瓜🤣肉類方面都係scan QR code落單，呢個價錢已經有齊晒豬牛羊雞任食，肉質都唔差㗎，肉類嘅顏色都好鮮艷，唔係嗰啲雪咗好耐嘅肉，肉質都唔錯，唔會鞋。除咗肉類之外，仲有一啲特別啲嘅小食都係scan QR code落單，包括芋泥球、冰烤番薯、迷你生煎包、黃金雞球等
我哋今次試嘅係中間level嘅尚品，每位成為$238可以食100分鐘，仲送一杯台式飲品，可以揀珍珠奶茶㗎😍好欣賞餐廳可以免費揀鴛鴦鍋我哋揀咗酸菜白肉湯同蕃茄湯。兩款湯底味道都好濃郁，基本上唔使點醬汁就好夠味。
餐廳嘅自助區選擇好多，由前菜、小食、主食、火鍋配料去到飲品、甜品都好豐富。因為係台式火鍋，所以有好多台式小食，例如去夜市必食嘅烤腸、關東煮、麻辣鴨血、台式滷水等等，應有盡有，仲有肉燥飯任食可以自己任加肉燥😋火鍋配料方面同樣都好豐富，平時食開嘅火鍋配料呢度都有齊，蔬菜同丸類任食，比較特別嘅係呢度有蛋餃，用蛋取代咗餃子嘅皮，坊間比較少見。另外唔少得台式火鍋必備嘅米血糕。最令人驚訝嘅係呢度仲有苦瓜，真係第一次見打邊爐淥苦瓜🤣
肉類方面都係scan QR code落單，呢個價錢已經有齊晒豬牛羊雞任食，肉質都唔差㗎，肉類嘅顏色都好鮮艷，唔係嗰啲雪咗好耐嘅肉，肉質都唔錯，唔會鞋。除咗肉類之外，仲有一啲特別啲嘅小食都係scan QR code落單，包括芋泥球、冰烤番薯、迷你生煎包、黃金雞球等等，全部時候都熱辣辣，抵讚
最後甜品方面除咗一般嘅甜品櫃之外，呢度當然唔少得有雪糕機啦！最出乎望外嘅係呢度有個甜品區專擺唔同嘅台式甜品配料，包括愛玉凍、仙草凍、爆珠等等，可以DIY自己嘅台式甜品😋
Post
