G Place

Open Now

Now Closed

朋友介紹咗一間隱世私房菜，呢間鋪淨係做booking唔做walk in。門口擺咗幾張木枱櫈，有d遠離塵囂嘅感覺。入面唔係好大，得3張枱，淨係得一張枱擺咗碟同餐具，今晚應該我哋包場😂首先第一樣就係凍嘅前菜，呢個沙律係用非洲嘅小米再撈埋d青椒紅椒茄子粒，紅椒有少少辣味，可以醒一醒胃跟住就係龍蝦湯，呢個湯，一上枱就聞到好香濃嘅龍蝦味，廚師就話佢哋冇乜點樣調味，主樣靠龍蝦嘅味道食完前菜，飲完湯就到pasta。因為係用鮮菇嘅原因，個菇味好濃好出，個通粉偏硬身，食落有口感。最後到個豬鞍，廚師話佢哋會將塊豬鞍先放入雪櫃風乾，等塊豬鞍冇咁多水，之後再用櫻桃木煙燻。呢隻豬係食漿果大，唔會煎到全熟，中間會有少少粉紅色。食落口食到淡淡嘅煙燻味，唔會太濃，肉質都好嫩口，邊位煎到好香脆。