清山塾 (Closed)

今日出到街，發現通街都係人... 連平日慣去嘅cafe，今日都滿坐，仲要排隊添...但呢刻鐘... 我真係好需要一間避靜嘅cafe...😌上openrice搵下，終於俾我發現有間隱世cafe... 正確地址都搞唔清楚，要打電話去問店員... 店員好耐心教我由兆康站，點樣最快捷去搵佢哋...😅去到Cafe，果然係外在文青，裡面Cafe... 好舒服嘅感覺...點咗兩樣店員推介嘅輕食，叫咗我最愛嘅手沖咖啡... 手沖曼特寧，好考咖啡師，但竟然good喎... (睇過之前啲食評，話佢杯咖啡唔得，叫嘅時候都有啲擔心)食品雖然全部都係素食，但係，出奇地好食...雜菜批幾層layers和而不同，無論形狀，口感，香味，各有不同，但好夾... 廚師嘅心思可不少... 墨西哥雜錦豆卜... 冇咗墨西哥餐慣常食開嘅粟米片，換嚟豆卜，感覺新鮮... 就係fusion咯～墨西哥雜錦味道豐富，唯一美中不足，只係豆卜唔夠脆，可以改良更好...值得一讚，係全店上下，所有店員，都係好nice，已經係我要特地再去及再去嘅理由～