沙嗲王 (眾安街) (Closed)

今次叫左好多野食，有韓式年糕、炸春卷、炸帶子、石頭鍋飯、薄餅、朱古力珍珠、青蘋果梳打、避風塘炒蟹。首先講下個韓式年糕，呢個ok既，仲係就好少sauce，唯一唔好就係有d乾身，d年糕都夠煙紉。另外炸春卷同炸帶子都同出面既冇乜分別，好少少既係春卷個餡比出面既多d，但比我揀我下次都唔會再揀呢2樣。石頭鍋飯都好好食，d牛肉煮得岩岩好，泡菜又唔會太酸。薄餅應該好多人都會喊。加埋d咖哩真係夾，好好食。不過個薄餅就貴左d咁，一碟得2塊。仲有2杯野飲。朱古力珍珠冇咩特別，飲落都同出面差唔多，似係用粉溝出黎既。個青蘋果梳打就特別d，酸酸地好開胃，d料都幾足，下次都會再叫過。成餐我最鍾意既就係避風塘炒蟹。呢碟避風塘炒蟹好夠味，唔係好似出面果d咁得個辣字。又冇走氣，送到黎時仲係脆身既。