喜記避風塘炒辣蟹 (謝斐道)

Open Now

Now Closed

今晚朋友約食飯，知道我最中意食海鮮，所以帶我黎呢間出名食避風塘炒辣蟹既喜記！見到佢d海鮮套餐都好吸引，所以直接叫左個2人特選套餐 ($1298)。喜記避風塘炒辣蟹一上菜見到超多炸蒜，配埋辣椒，辣度適中，好惹味！蟹肉好鮮嫩，炒完既蟹肉仲係好JUICY，蟹蓋都有好多蟹膏，撈埋炸蒜一齊食真係絕配！椒鹽大瀨尿蝦隻瀨尿蝦真係有前臂咁長，用椒鹽炸到好酥脆，蝦肉夠肥厚又鮮甜！豉椒炒蜆蜆肉新鮮肥美，完全無沙，配埋超惹味既豉椒汁。招牌醉鮑魚鮑魚好彈牙又唔會太韌，酒味入哂味又唔會太濃。招牌蟹油炒麵好濃既蟹香味，炒麵夠乾身，好有鑊氣！呢個2人海鮮套餐價錢同份量都好好，下次再ENCORE！