Video
Read full review
2013-08-09
694 views
寶貝知我中意食辣嘢,所以早兩個月已經好想帶我黎試一下激辣既感覺佢推介得令我非常期待,可惜佢身體一直抱恙,兩個月後既今日終於可以一試~~為免出現不必要的意外(去到冇位),我地早一個星期已經訂左枱,聽電話的阿姐仲叮囑我早少少黎等位,我心諗一定係好正~去到門口見到有几個人座喺出面唔知係排隊定係抽煙,店入面裝修帶有豐富的四川風味,木做的枱掎同特色的擺設,仲有好多可以買走的辣椒製品,.地方唔算好大,細細的枱椅同窄窄的走廊,好似我呢D米之連的身材出入真係有少少困難好在有訂枱,晚飯時段都相當多人~寶貝黎到~已經急忙點菜~菜譜D相好吸引,只係兩個人唔食得好多款~最後決定點左佢地最招牌的口水鷄,麻辣涼伴,水煮魚.麻辣魚腩,點知統統中伏..全心全意黎諗住食到出汗的我地..成餐飯除左體會到’圖片只供參考’’之外,一D 麻辣感都冇..仲食到有少少委屈的感覺…招牌口水鷄 –鷄件好細好散,似醉鷄的質感,冇口水鷄的辣味~唔止唔辣,仲好多鷄皮,唔好食~辣酒煮花螺 – 菜式係用煲仔咁上枱,細火滾滾下感覺好正~而且有陣陣的酒香,花螺都算新鮮,唔會有好腥的感覺,又唔會太細粒,至少唔會挑到手軟~一路傾計一路挑,都唔錯!!麻辣
佢推介得令我非常期待,可惜佢身體一直抱恙,兩個月後既今日終於可以一試~~
為免出現不必要的意外(去到冇位),我地早一個星期已經訂左枱,
聽電話的阿姐仲叮囑我早少少黎等位,我心諗一定係好正~
去到門口見到有几個人座喺出面唔知係排隊定係抽煙,
店入面裝修帶有豐富的四川風味,木做的枱掎同特色的擺設,仲有好多可以買走的辣椒製品,.
地方唔算好大,細細的枱椅同窄窄的走廊,好似我呢D米之連的身材出入真係有少少困難
好在有訂枱,晚飯時段都相當多人~
寶貝黎到~已經急忙點菜~菜譜D相好吸引,只係兩個人唔食得好多款~
最後決定點左佢地最招牌的口水鷄,麻辣涼伴,水煮魚.麻辣魚腩,點知統統中伏..
全心全意黎諗住食到出汗的我地..
成餐飯除左體會到’圖片只供參考’’之外,一D 麻辣感都冇..仲食到有少少委屈的感覺…
招牌口水鷄 –鷄件好細好散,似醉鷄的質感,冇口水鷄的辣味~唔止唔辣,仲好多鷄皮,唔好食~
辣酒煮花螺 – 菜式係用煲仔咁上枱,細火滾滾下感覺好正~而且有陣陣的酒香,花螺都算新鮮,唔會有好腥的感覺,又唔會太細粒,至少唔會挑到手軟~一路傾計一路挑,都唔錯!!
麻辣涼伴 – 好豐富的麻辣味~加上新鮮生蒜感覺好香好正!! 可惜粉皮質感好差,唔爽口仲一夾就斷,一D口感都冇,好在有美味的麻辣汁伴住,如果唔係都好難入口
麻辣魚腩 – 見到隔離枱一個個煲仔咁喺枱上面,覺得個FEEL好正,所以都唔執輸學人點個煲仔,
上枱既時候似模似樣,賣相同張相差唔多,食落同我地想像差好遠,我地點左麻辣魚腩,但係一D麻辣味都冇,仲覺得有點過咸,魚腩份量適中,唔算太細,但係由於佢係先炸起再放上去個煲仔到煲,所以好難吸收煲入面D麻辣味,由已經唔麻辣變得更加唔麻辣…好失望~
水煮魚 – 試左三樣食人失望的作品,寶貝話相信店裡面總有一樣產品應該相當出色~
所以搵個服務員黎推介一下, 服務員好快咁就點左個水煮魚比我地,話係極品招牌菜,大部份等人都一定點呢味菜咁話喎~於是我地都冒一個險試一試~點知又…
招牌水煮魚 – 只係個樣已經同張相差距好遠,相中的水煮魚係活埋喺D辣椒當中,現實當然唔係咁LA!D汁勁咸又唔辣,魚件少少几片喺面層,下面就係D疑似暑粉既物體,
加上D煮得好淋既芽菜
我地一睇個樣就知唔會好食,所以好
小心咁夾左D魚片,魚片一夾就爛,而且入口好重魚腥味,
我地嘗試叫人退左佢,個服務員來到,仲想話我地點得多,到我地同佢講係D魚好唔新鮮,佢支吾以對咁話冇得退仲行開左…到我地搵過第二個服務員再講多次,佢居然話: 可能係D味唔啱,但D魚我地日日劏咁多條,一定係新鮮~!!當我地同佢講想話退返唔要,佢就話: 緊係冇得退LA,都整左咯…就咁行開左..最後地緊係唔會格硬話要退錢,只好話比自己知: 見識過LA~…
食到咁,我地都想快D離開…埋單位位$ 200,真係唔抵~!
相信呢到會比我地列入don’t come again 的名單當中~
Post
