和家

Open Now

Now Closed

記得我有一個post系介紹一間系銅鑼灣、還原日本居酒屋嘅餐廳，但唔記得咗個名😂😂。經過我明查暗訪之後，終於都知道個名了，一於食多次啦。關東煮都系我嘅最愛，蘿蔔超大舊超淋超入味😃😃鰹魚湯底味到恰到好處。椰菜卷又淋又入味，啲菜一幅幅比人一種好乖巧嘅感覺😍😍。呢間餐廳嘅名物應該系不思議豆腐。佢嘅本體系炸豆腐，但系口感唔淨止淋，仲有少少好似加咗粉咁少少煙韌，但又唔至於好煙韌，仲帶少少芝士香。呢個野嘅質感真系不可思議🤣🤣，好微妙，仲有啲明太子襯起個味。極度懷疑呢間野由黃豆整豆腐個一刻就開始自己做埋，唔系系出面買豆腐整的，好有誠意。串燒嘅肉高質，好香油脂味，有得揀鹽燒/汁燒。我揀哂鹽，個味岩岩好，好香口惹味。仲可以加蛋黃用嚟點，佢個蛋黃系橙色好重蛋黃味。不過如果唔系叫好多串，點唔哂可能會浪費咗，靚野嚟😉😉。高湯雜炊味道剛好，唔會太濃，飯質唔黏唔硬，有個木勺比我都幾正😉😉。燒鯖魚皮脆肉嫩，焦香得嚟有好大陣油脂香，好比出面啲燒三文魚咁香油脂味。章魚燒都好正，唔會太粉，好香，醬又唔會太蓋過丸子本身嘅味。