牛摩+ (沙田中心) (Closed)

啦間餐廳都開左一段時間，終於有機會試下呢間新日式火鍋店，環境算不錯，7點鐘都未要等位，仲有一人一鍋位或者2人一鍋既選擇。牛肉質素有好有唔好，好既就當然貴D啦，我地一行5人揀左168 果隻，可惜，我本人係唔食牛肉既，只可以食豬同菜呀丸呀果D。湯底有4個選擇，我自己就揀左地獄湯底，湯底除左有少少辣味之外其餘我咩都食唔到。值得欣賞既就係出面自助食物BAR，有甜品有壽司有菜有丸有菇，真係好少打邊爐既地方會有壽司食架。甜品有PUFF同埋乳酪雪糕，仲有埋配料，好好味好吸引。食完甜品之後仲可以自己整返杯熱檸茶。最後埋單4個人要700幾蚊，唔算太抵食，下次黎都係叫個別138好過啦。