鴻福堂

Open Now

Now Closed

今日傍晚我們搭港鐵去到銅鑼灣站預備去維園花卉展嗰陣，突然覺得好口渴，所以我們去咗站內嘅「鴻福堂」買嘢飲！之前飲過一款叫香蕉燕麥覺得幾好飲，諗著再買嚟飲，點知店員話呢款係季節限定，而家無咗，所以我們就唯有買咗士多啤梨奶露同川貝杏仁露！由於唔想飲太凍嘅飲品，所以我們問店員有冇唔凍，店員話可以幫我們將川貝杏仁露加熱，但士多啤梨奶露由於係鮮果嘅關係，所以唔可以加熱！士多啤梨奶露嘅奶份量比士多啤梨多，味道都還可以，但唔算太香甜濃郁！而川貝杏仁露就比較稀，唔係好濃郁，但味道都幾清香！